ಉಡುಪಿ ಬಿಜೆಪಿ ಪಕ್ಷದ ಕಚೇರಿಯಲ್ಲಿ ಮಹಿಳೆಯರ ಮಸ್ತ್ ಮಸ್ತ್ ಡ್ಯಾನ್ಸ್ ಫುಲ್ ವೈರಲ್! ಸ್ಪಷ್ಟನೆ ನೀಡಿದ ಮಹಿಳಾ ಮೋರ್ಚಾ
ಉಡುಪಿ: ಹಿಂದಿ ಸಿನಿಮಾವೊಂದರ ಹಾಡಿಗೆ ಬಿಜೆಪಿ ಮಹಿಳಾ ಸದಸ್ಯರು ಪಕ್ಷದ ಕಚೇರಿಯಲ್ಲಿ ಕುಣಿದು ಕುಪ್ಪಳಿಸಿದ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ.
ಉಡುಪಿ ಜಿಲ್ಲಾ ಬಿಜೆಪಿ ಕಚೇರಿಯಲ್ಲಿ ಕಾರ್ಯಕರ್ತೆಯರು ಪಕ್ಷದ ಧ್ವಜ ಹಿಡಿದು ಹಿಂದಿ ಹಾಡನ್ನು ಹಾಕಿ ಕುಣಿದಿದ್ದಾರೆ.
ರಂಗೀಲೊ ಮಾರೋ ಡೋಲ್ನಾ ಎಂಬ ಹಿಂದಿ ಹಾಡಿಗೆ ಮಹಿಳಾ ಪದಾಧಿಕಾರಿಗಳು ಕುಣಿದು ಸಂಭ್ರಮಿಸಿದ್ದಾರೆ. ಹಾಡಿನ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕಿರೋ ಹತ್ತಕ್ಕೂ ಅಧಿಕ ಮಹಿಳೆಯರಲ್ಲಿ ಬಹುತೇಕ ಮಧ್ಯವಯಸ್ಸಿನವರೇ ಇದ್ದು, ತಮ್ಮ ವಯಸ್ಸನ್ನೂ ಲೆಕ್ಕಿಸದೇ ಸಂಭ್ರಮಿಸಿದ್ದಾರೆ. ಉಡುಪಿ ಬಿಜೆಪಿ ಕಚೇರಿಯ ಸಭಾಂಗಣದಲ್ಲಿ ಡ್ಯಾನ್ಸ್ ಮಾಡಿರುವ ಈ ವೀಡಿಯೋ ತುಣುಕು ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್ ವೈರಲ್ ಆಗಿದೆ.
ಸ್ಪಷ್ಟನೆ ನೀಡಿದ ಬಿಜೆಪಿ ಮಹಿಳಾ ಮೋರ್ಚಾ: ಈ ಕುರಿತ ಸುದ್ದಿ ಮಾಧ್ಯಮಗಳಲ್ಲಿ ಪ್ರಕಟವಾದ ಬಳಿಕ ಜಿಲ್ಲಾ ಮಹಿಳಾ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಸ್ಪಷ್ಟನೆ ನೀಡಿದ್ದು, ಈ ವೀಡಿಯೋ ಒಂದು ವರ್ಷನ ಹಿಂದಿನ ವೀಡಿಯೋ ಇದಾಗಿದ್ದು ಕೆಲವೊಂದು ಕಿಡಿಗೇಡಿಗಳು ಈ ವೀಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯಬಿಟ್ಟಿದ್ದಾರೆ ಎಂದು ತಿಳಿಸಿದ್ದಾರೆ.
What is wrong in dancing and enjoying?