Spread the love
ಕಕ್ಕೆದ ವೇದನೆ
ಯಾನೊಂಜಿ ಪ್ರಾಯೊದ ಕಕ್ಕೆ
ಎಂಕ್ಲೆ ಉರುಡುಲ್ಲೆರ್ ಒಂಜಿ ಅಕ್ಕೆ
ಅಕ್ಕೆನ ವಿಶ್ಯ ರಡ್ಡ್ ಪಾತೆರ ಪನ್ಪೆ
ಅರೆನ ನುಪ್ಪು ಬಂಜಿ ನಿಲ್ಕೆ ತಿನ್ಪೆ
ಕಾಂಡೆ ಲಕ್ಕ್ ದ್ ಸುರುಟ್
ಬೈಪಾವೆರ್ ನುಪ್ಪು ಕರಟ್
ಎಂಕ್ ಲಾ ದಿಪೆರ್ ಒನ್ಜಿ ಪ್ಲೇಟ್
ಕುಟುಂಬೊದ ದೈವಲೆನ ನೆಂಪುಡ್
ನುಪ್ಪುದ ಬಟ್ಟಲ್ ನ್ ಕಂತ್ ಮೋಕೆಡ್
ಉಂತುವೆರ್ ಬಾಲ್ಖಾನಿದ ಮೂಲೆಡ್
ಕುಟುಂಬೊಡ್ ಸೈತಿನಕ್ಲೆನ ನೆಂಪು ದೆತ್ತ್ ದ್
ಬಲಸುದೆ ತಿನ್ಲೆ ಪಂಡುದ್ ಲೆಪ್ಪುವೆರ್
ಕೋಡೆ ಕಾತೊಂದ್ದಿತ್ತೆ ನುಪ್ಪುಗ್ ಅಕ್ಕೆನ
ಕಾತ್ ಕಾತ್ ಆಂಡ್ ಮಧ್ಯಾನ
ಬಂಜಿ ಖಾಲಿ ಬಡವುಡ್ ಆಯೆ ನಿತ್ರಾಣ
ಒಲುಲ್ಲರ್ ಅಕ್ಕೆ ಒರಿಪಲೆ ಎನ್ನ ಪ್ರಾಣ
ಎಂಕ್ಕಿತ್ತೆ ಆಪುಂಡ್ ಅಕ್ಕೆನ ವ್ಯಥೆ
ವೊರ್ತಿ ಬದ್ಕ್ ಕೆನ್ಲೆ ಆರೆನ ಕಥೆ
ನಟ್ಟುವೆ ದೇವೆರ್ಡ ಕೊರ್ಯೆರೆ ಅಕ್ಕೆಗ್ ಆಯುಷ್ಯ
ಬಲಸೆರೆ ನುಪ್ಪು ಯಾನ್ ಸೈಪುನ ಮುಟ್ಟ
ವಾಯ್ಲೆಟ್ ಪಿರೇರಾ
Also Read:
Spread the love
