ಕಾವೂರು ಬಳಿ ಜೂಜಾಟ ಮೂವರ ಬಂಧನ

ಕಾವೂರು ಬಳಿ ಜೂಜಾಟ ಮೂವರ ಬಂಧನ

ಮಂಗಳೂರು: ನಗರದ ಕಾವೂರು ಪೊಲೀಸ್ ಠಾಣೆಯಿಂದ ಮಿಂಚಿನ ಕಾರ್ಯಾಚರಣೆಯಲ್ಲಿ ಮಟ್ಕಾ ದಂಧೆ ಸ್ಥಳಕ್ಕೆ ದಾಳಿ ನಡೆಸಿ ಮೂವರನ್ನು ಪೊಲೀಸರು ಬಂಧಿಸಿದ್ದು ರೂ 1790 ನಗದು ವಶಪಡಿಸಿಕೊಂಡಿದ್ದಾರೆ.

ಕಾವೂರು ಪೊಲೀಸ್ ಠಾಣೆಯ ಪಿ ಎಸ್ ಐ ಹರೀಶ್ ಅವರು ಸಿಬಂದಿಗಳ ಜೊತೆ ಠಾಣಾ ವ್ಯಾಪ್ತಿಯಲ್ಲಿ ರೌಂಡ್ಸ್ ನಲ್ಲಿದ್ದಾಗ ಕಾವೂರು ಜಂಕ್ಷನಿನ ಕಾವೂರು ಟವರ್ಸ್ ಕಟ್ಟಡದಲ್ಲಿರುವ ಗೋಲ್ಡನ್ ಟ್ರೇಡರ್ಸ್ ಎಂಬ ಹೆಸರಿನ ಅಂಗಡಿಯ ಬಳಿ ಅನಿಲ್ ಕುಮಾರ್ ಎಂಬವರು ಸಾರ್ವಜನಿಕರಿಂದ ಹಣ ಸಂಗ್ರಹಿಸಿ ಜೂಜಾಟ ನಡೆಸುತ್ತಿರುವುದು ಕಂಡು ಬಂದಿದ್ದು ದಾಳಿ ನಡೆಸಿ ಕಾವೂರು ಪಳನೀರು ರಸ್ತೆಯ ನಿವಾಸಿ ಅನಿಲ್ ಕುಮಾರ್ ಎಂಬವರನ್ನು ಹಾಗೂ ಮಟ್ಕಾ ಜೂಜಾಟಕ್ಕೆ ಹಣ ಕಟ್ಟುತ್ತಿದ್ದ ಕುಂಜತ್ತಬೈಲ್ ದೇವಿನಗರ ನಿವಾಸಿ ಅಜೀಜ್ ಮತ್ತು ಕುಳಾಯಿ ನಿವಾಸಿ ಠಾಕಪ್ಪ ಎಂಬವರನ್ನು ಬಂಧಿಸಿದ್ದಾರೆ.