ಕೆ.ಎಸ್. ಆರ್.ಟಿ.ಸಿ ದೈನಂದಿನ ಬಸ್ ಪಾಸ್ ಪಡೆದುಕೊಳ್ಳಲು ಸೂಚನೆ
ಉಡುಪಿ : ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು ಸಾರ್ವಜನಿಕರಿಗೆ ಸುರಕ್ಷಿತ ಹಾಗೂ ಕೈಗೆಟಕುವ ದರದಲ್ಲಿ ಸಾರಿಗೆ ಹಾಗೂ ಉಡುಪಿ- ಮಂಗಳೂರು ಮಾರ್ಗದಲ್ಲಿ ದುಂಡು ಸುತ್ತುವಳಿ ಪ್ರಯಾಣಕ್ಕೆ ದೈನಂದಿನ ಪಾಸುಗಳನ್ನು ಪರಿಚಯಿಸಿದ್ದು, ಸಾರ್ವಜನಿಕರು ಈ ಸೌಲಭ್ಯದ ಲಾಭ ಪಡೆದುಕೊಳ್ಳಬಹುದಾಗಿದೆ. ಈ ಪಾಸುಗಳನ್ನು ಕುಂದಾಪುರ, ಉಡುಪಿ ಹಾಗೂ ಮಂಗಳೂರು ಸೌಲಭ್ಯವನ್ನು ನೀಡುತ್ತಾ ಬರುತ್ತಿದ್ದು, ಇತ್ತೀಚೆಗೆ ಸಾರಿಗೆ ಬಸ್ಸುಗಳಲ್ಲಿ ನೂತನವಾಗಿ ಕುಂದಾಪುರ-ಉಡುಪಿ-ಮಂಗಳೂರು ಬಸ್ ನಿಲ್ದಾಣಗಳಲ್ಲಿ ಹಾಗೂ ಕುಂದಾಪುರ ಘಟಕ, ಉಡುಪಿ ಘಟಕ ಹಾಗೂ ಮಂಗಳೂರು ಘಟಕದ ಬಸ್ಸುಗಳಲ್ಲಿ ಪಡೆಯಬಹುದಾಗಿದೆ.
ಈ ಪಾಸು ದಿನದಲ್ಲಿ ಒಂದು ದುಂಡು ಸುತ್ತುವಳಿ ಪ್ರಯಾಣಕ್ಕೆ ಕುಂದಾಪುರ-ಉಡುಪಿ ಹಾಗೂ ಉಡುಪಿ-ಮಂಗಳೂರು ಮಾರ್ಗಕ್ಕೆ ಪರಿಚಯಿಸಿದ್ದು, ಪಾಸಿನ ದರಪಟ್ಟಿ ಕುಂದಾಪುರ-ಉಡುಪಿ ಮಾರ್ಗಕ್ಕೆ 70 ರೂ. ಹಾಗೂ ಉಡುಪಿ-ಮಂಗಳೂರು ಮಾರ್ಗಕ್ಕೆ 100 ರೂ. ಗಳು.
ಮಾಸಿಕ ಪಾಸುಗಳು ಲಭ್ಯವಿದ್ದು, ಹೆಚ್ಚಿನ ಮಾಹಿತಿಗಾಗಿ ಕುಂದಾಪುರ ಬಸ್ ನಿಲ್ದಾಣ ದೂ.ಸಂಖ್ಯೆ: 08254-230915, ಮೊಬೈಲ್ ಸಂಖ್ಯೆ: 9663266009, ಉಡುಪಿ ಬಸ್ ನಿಲ್ದಾಣ ದೂ.ಸಂಖ್ಯೆ: 0820-2526243, ಮೊಬೈಲ್ ಸಂಖ್ಯೆ : 9663266400, ಮಂಗಳೂರು ಬಸ್ ನಿಲ್ದಾಣ ದೂ.ಸಂಖ್ಯೆ: 0824-2211243, ಮೊಬೈಲ್ ಸಂಖ್ಯೆ :7760990720 ಅನ್ನು ಸಂಪರ್ಕಿಸುವಂತೆ ಕೆಎಸ್ಆರ್ಟಿಸಿ ಕುಂದಾಪುರ ಘಟಕ ವ್ಯವಸ್ಥಾಪಕರ ಪ್ರಕಟಣೆ ತಿಳಿಸಿದೆ.
