ಗುಜರಾತ್‌ನಿಂದ ಅಪಹೃತ ಮಗುವಿನ ಪತ್ತೆಗೆ ಸಹಕರಿಸಲು ಮನವಿ
ಮಂಗಳೂರು: ಗುಜರಾತ್ ರಾಜ್ಯದಿಂದ ಮಹಿಳೆಯೊಬ್ಬಳು ಐದು ವರ್ಷದ ಹೆಣ್ಣು ಮಗುವನ್ನು ಅಪಹರಿಸಿಕೊಂಡು ಬಂದಿದ್ದು, ಮಂಗಳೂರು ಬಳಿ ಇರುವ ಬಗ್ಗೆ ಮೊಬೈಲ್ ಟವರ್ ಲೊಕೇಶನ್ ತೋರಿಸಿದೆ.
ರೇಖಾ ಯಾನೆ ಶಹನಾಝ್ ಎಂಬಾಕೆ, ತಾನು ಕೆಲಸ ಮಾಡುತ್ತಿದ್ದ ಮನೆ ಮಾಲಿಕರ ಕಿಂಜಾಲ್ ಎಂಬ ಹೆಸರಿನ ಮಗುವನ್ನು 22 ದಿನ ಮೊದಲು ಅಪಹರಣ ಮಾಡಿದ್ದಾಳೆ.
ಬೆಂಗಳೂರು, ಮಂಗಳೂರು ಮಧ್ಯೆ ಓಡಾಟ ನಡೆಸುತ್ತಿದ್ದಳು ಎನ್ಲಲಾಗಿದೆ. ಆಕೆಯ ಮೊಬೈಲ್ ಫೋನ್ ನವೆಂಬರ್ 6 ರಂದು ಮಧ್ಯಾಹ್ನ 11 ಗಂಟೆಗೆ ಮಂಗಳೂರು ಸಮೀಪಲದ ಪಡುಕೋಡಿ ಗ್ರಾಮದ ಕಾವೂರಿನ ಸರ್ವೆನಂಬರ್ 43/11ರ ಪಿವಿಸಿ ಕಾಂಪ್ಲೆಕ್ಸ್ ಬಳಿ ಇರುವುದು ಟವರ್ ಲೊಕೇಶನ್ ತೋರಿಸಿದೆ. ನಂತರ ಆಕೆಯ ಮೊಬೈಲ್ ಸ್ವಿಚ್ ಆಫ್ ಆಗಿದೆ. ಕರ್ನಾಟಕದ ವಿವಿಧ ಜಿಲ್ಲೆಗಳಿಗೆ ಆಕೆ ಸುತ್ತಾಡಿರುವ ಮಾಹಿತಿ ಇದೆ.
ಈ ಮಹಿಳೆ ಮತ್ತು ಮಗುವನ್ನು ಕಂಡವರು ಕಾವೂರು ಪೊಲೀಸ್ ಠಾಣೆ ದೂರವಾಣಿ ಸಂಖ್ಯೆ 2220533 ಅಥವಾ ಗುಜರಾತ್ ಠಾಣೆ ಪೊಲೀಸ್ ಇನ್‌ಸ್ಪೆಕ್ಟರ್ ಚೇತನ್ ಜಡೇಜಾ ಅವರ ಮೊಬೈಲ್ ಸಂಖ್ಯೆ 9879324147 ಸಂಪರ್ಕಿಸಿ ಮಾಹಿತಿ ನೀಡಲು ಕೋರಲಾಗಿದೆ. ಮಗುವಿನ ಪತ್ತೆಗೆ ಸಹಕರಿಸಿದವರಿಗೆ 10 ಸಾವಿರ ರೂ. ಬಹುಮಾನ ನೀಡಲಾಗುವುದು ಎಂದು ಜಡೇಜಾ ಹೇಳಿದ್ದಾರೆ.
