ಧ್ವನಿ ಬೆಳಕು ಸಂಯೋಜಕರ ಉಡುಪಿ ವಲಯದ ಸಂಘಟನೆಯಿಂದ ವನಮಹೋತ್ಸವ
ಉಡುಪಿ: ಆಲ್ ಇಂಡಿಯಾ ಟೆಂಟ್ & ಡೆಕೋರೇಟರ್ಸ್ ವೆಲ್ಫೇರ್ ಅಸೋಸಿಯೇಷನ್ (ರಿ) ನವದೆಹಲಿ ಇವರ ಆದೇಶದಂತೆ ಧ್ವನಿ ಬೆಳಕು ಸಂಯೋಜಕರ ಸಂಘಟನೆಯ ರಾಜ್ಯಾಧ್ಯಕ್ಷರ, ಉಡುಪಿ ಜಿಲ್ಲಾಧ್ಯಕ್ಷರ ಹಾಗೂ ನಮ್ಮ ವಲಯಾಧ್ಯಕ್ಷರ ವಿನಂತಿಯಂತೆ ಉಡುಪಿ ವಲಯದ ವನಮಹೋತ್ಸವ ಕಾರ್ಯಕ್ರಮದ ಆಯೋಜನೆಯನ್ನು ಉಡುಪಿ ಕುಕ್ಕಿಕಟ್ಟೆಯ ಮುಚ್ಚಿಲ್ಕೋಡು ಶ್ರೀ ಸುಬ್ರಮಣ್ಯ ದೇವಸ್ಥಾನದ ವಠಾರದಲ್ಲಿ ಇಂದು (ಜುಲೈ 1) ಮಾಡಲಾಯಿತು.
ಕಾರ್ಯಕ್ರಮದ ಉದ್ಘಾಟನೆಯು ಉಡುಪಿ ಪೇಜಾವರ ಮಠದ ಸ್ವಾಮೀಜಿ ಯವರ ಅಮೃತ ಹಸ್ತದಿಂದ ನೆರವೇರಿತು.
ಕಾರ್ಯಕ್ರಮದಲ್ಲಿ ಉಡುಪಿ ಜಿಲ್ಲಾಧ್ಯಕ್ಷರಾದ ಶಿವರಾಜ್ ಮಲ್ಲಾರ್, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ದಾಮೋದರ್, ಜಿಲ್ಲಾ ಕೋಶಾಧಿಕಾರಿ ಸಂತೋಷ, ವಲಯಾಧ್ಯಕ್ಷರಾದ ರಾಧಾಕೃಷ್ಣ, ಕಾರ್ಯದರ್ಶಿ ಕೃಷ್ಣ ಕುಲಾಲ್, ಕೋಶಾಧಿಕಾರಿ ಸದಾನಂದ ಸುವರ್ಣ, ವಲಯ ಪದಾಧಿಕಾರಿಗಳಾದ ಕುಮಾರ್ ಎಸ್. ಬಂಗೇರ, ಹರೀಶ್ ಕುಮಾರ್, ಡಾನ್ ಡಿಸೋಜ, ಶಾಶ್ವತ ಸುವರ್ಣ, ಲಕ್ಷ್ಮಣ ಆಚಾರ್ಯ, ಪ್ರಕಾಶ್ ನಾಯಕ್, ಉದಯ, ಪ್ರಜ್ವಲ್, ಜೆನಿತ್ ಎಸ್. ಪಾಲನ್, ಅರವಿಂದ್ ಇನ್ನೂ ಮುಂತಾದ ಸದಸ್ಯರೊಂದಿಗೆ ದೇವಸ್ಥಾನದ ಆಡಳಿತಾಧಿಕಾರಿ ರಾಜಶೇಖರ್ ಭಟ್ ಹಾಗೂ ಕಾರ್ಯಕ್ರಮದ ಮುಖ್ಯ ಅಥಿತಿಯಾಗಿ ಸಂಘಟನೆಯ ಬ್ರಹ್ಮಾವರ ವಲಯದ ಪದಾಧಿಕಾರಿಗಳಾದ ಶಿರಿಯಾರ ಗಣೇಶ್ ರವರು ಭಾಗವಹಿಸಿದ್ದರು.
ಕಾರ್ಯಕ್ರಮದಲ್ಲಿ ದೇವಸ್ಥಾನದ ಸುತ್ತ ಸುಮಾರು ನೂರೈವತ್ತು ಗಿಡಗಳನ್ನು ನೆಡಲಾಯಿತು.
