ಬಡವರಿಗೆ ಅಕ್ಕಿ ವಿತರಿಸಲು ಶಿರ್ವ ಕೆಥೊಲಿಕ್ ಸಭಾ, ಸ್ತ್ರೀ ಸಂಘಟನೆಯಿಂದ ಭತ್ತ ಕೃಷಿ

ಬಡವರಿಗೆ ಅಕ್ಕಿ ವಿತರಿಸಲು ಶಿರ್ವ ಕೆಥೊಲಿಕ್ ಸಭಾ, ಸ್ತ್ರೀ ಸಂಘಟನೆಯಿಂದ ಭತ್ತ ಕೃಷಿ

ಉಡುಪಿ: ಆರೋಗ್ಯ ಮಾತಾ ದೇವಾಲಯ ಶಿರ್ವ ಇದರ ಕೆಥೊಲಿಕ್ ಸಭಾ ಮತ್ತು ಸ್ತ್ರೀ ಸಂಘಟನೆ ಇದರ ಜಂಟಿ ಆಶ್ರಯದಲ್ಲಿ ಶಿರ್ವ ಗ್ರಾಮದ ಉಬ್ಬೊಟ್ಟು ನಲ್ಲಿ ಜೊಸೇಫ್ ಕ್ಯಾಸ್ತಲಿನೊ ರವರ ಸುಮಾರು 75 ಸೆಂಟ್ಸ್ ವಿಸ್ತೀರ್ಣದ ಗದ್ದೆಯಲ್ಲಿ ಭತ್ತ ನಾಟಿ ಮಾಡುವ ಕಾರ್ಯಕ್ರಮ ಬುಧವಾರ ನಡೆಯಿತು.

ನಾಟಿಯಿಂದ ಬರುವ ಫಸಲಿನ ಭತ್ತವನ್ನು ಆರ್ಥಿಕವಾಗಿ ಹಿಂದುಳಿದವರಿಗೆ ಹಂಚಲು ಸಂಘಟನೆ ನಿರ್ಧರಿಸಿದೆ.
ಕಾರ್ಯಕ್ರಮದಲ್ಲಿ ಆರೋಗ್ಯ ಮಾತಾ ದೇವಾಲಯದ ಧರ್ಮಗುರುಗಳಾದ ವಂ| ಡೆನಿಸ್ ಡೆಸಾ ಆಶೀರ್ವಚನ ನೀಡಿ ಶುಭ ಹಾರೈಸಿದರು.

ಈ ವೇಳೆ ಚರ್ಚಿನ ಸಹಾಯಕ ಧರ್ಮಗುರುಗಳಾದ ವಂ| ರೋಹನ್ ಡಾಯಸ್, ಕೆಥೊಲಿಕ್ ಸಭಾ ಶಿರ್ವ ಘಟಕದ ಅಧ್ಯಕ್ಷರಾದ ಜೆರಾಲ್ಡ್ ರೊಡ್ರಿಗಸ್, ಸ್ತ್ರೀ ಸಂಘಟನೆಯ ಅಧ್ಯಕ್ಷರಾದ ಆಗ್ನೆಸ್ ಬಾರ್ಬೋಜಾ, ಚರ್ಚಿನ ಆರ್ಥಿಕ ಸಮಿತಿಯ ಕಾರ್ಯದರ್ಶಿ ಲೀನಾ ಮಚಾದೊ, ಆರ್ಥಿಕ ಸಮಿತಿಯ ಸದಸ್ಯರು, ವಾರ್ಡಿನ ಗುರಿಕಾರರು, ಕೆಥೊಲಿಕ್ ಸಭಾ ಹಾಗೂ ಸ್ತ್ರೀ ಸಂಘಟನೆಯ ಪದಾಧಿಕಾರಿಗಳು ಹಾಗೂ ಸದಸ್ಯರು ಉಪಸ್ಥಿರಿದ್ದರು.