ಭಟ್ಕಳದಲ್ಲಿ ಬೈಕ್ ಮತ್ತು ಟೆಂಪೋ ನಡುವೆ ಅಫಘಾತ ; ಇಬ್ಬರ ಸಾವು
ಭಟ್ಕಳ: ಬೈಕ್ ಮತ್ತು ಟೆಂಪೋ ನಡುವೆ ಅಫಘಾತ ಸಂಭವಿಸಿದ ಪರಿಣಾಮ ಬೈಕ್ ಸವಾರರಿಬ್ಬರು ಸ್ಥಳದಲ್ಲೇ ಮೃತಪಟ್ಟ ಘಟನೆ ರಾಷ್ಟ್ರೀಯ ಹೆದ್ದಾರಿ 66 ಭಟ್ಕಳದ ಮಾವಿನ ಕಟ್ಟೆ ಎಂಬಲ್ಲಿ ಸೋಮವಾರ ಬೆಳಿಗ್ಗೆ ಸಂಭವಿಸಿದೆ.
ಮೃತರನ್ನು ಧಾರವಾಡ ಮೂಲದ ಮಂಜುನಾಥ ಬಸನಗೌಡ, ಹನುಮಂತ ಕಲ್ಲಪ್ಪ ವಾಲೇಕರ ಎಂದು ಗುರುತಿಸಲಾಗಿದೆ.
ಪೋಲಿಸ್ ಮೂಲಗಳ ಪ್ರಕಾರ ಮೃತರು ತಮ್ಮ ಬೈಕಿನಲ್ಲಿ ಉಡುಪಿಯಿಂದ ಕಲಘಟಗಿಗೆ ತೆರಳುತ್ತಿದ್ದ ವೇಳೆ ರಾಷ್ಟ್ರೀಯ ಹೆದ್ದಾರಿ 66 ಭಟ್ಕಳದ ಮಾವಿನ ಕಟ್ಟೆ ಎಂಬಲ್ಲಿ ಮುರ್ಡೇಶ್ವರದಿಂದ ಭಟ್ಕಳದ ಕಡೆಗೆ ಬರುತ್ತಿದ್ದ ಟೆಂಪೊ ಮುಖಾಮುಖಿಯಾಗಿ ಬೈಕಿಗೆ ಡಿಕ್ಕಿ ಹೊಡೆದಿದ್ದು, ಪರಿಣಾಮ ಇಬ್ಬರು ಸಾವನಪ್ಪಿದ್ದಾರೆ.
ಮುರ್ಡೇಶ್ವರ ಠಾಣೆಯಲ್ಲಿ ಪ್ರಕಕರಣ ದಾಖಲಾಗಿದೆ