ಮಂಗಳೂರಿನಲ್ಲಿ ಬಾಲಿವುಡ್ ನಟಿ ಐಶ್ವರ್ಯ ರೈ
ಮಂಗಳೂರು: ಮಾಜಿ ಭುವನ ಸುಂದರಿ, ಬಾಲಿವುಡ್ ನಟಿ ಐಶ್ವರ್ಯ ರೈ ಹಾಗೂ ಅವರ ಮಗಳು ಆರಾಧ್ಯ, ಸಹೋದರ ಆದಿತ್ಯ ರೈ ಹಾಗೂ ತಾಯಿ ಗಯಾಪದ ಕ್ಷೇತ್ರ ಉಪ್ಪಿನಂಗಡಿಗೆ ಇದೀಗ ಬಂದು ತಲುಪಿದ್ದಾರೆ.
ಮುಂಬೈನಿಂದ ಜೆಟ್ ಏರ್ ವೇಸ್ ವಿಮಾನದಲ್ಲಿ ಬಂದಿಳಿದ ನಟಿಗೆ ಪುತ್ರಿ ಆರಾಧ್ಯ, ತಾಯಿ ಹಾಗೂ ಕುಟುಂಬದ ಇತರ ಸದಸ್ಯರು ಸಾಥ್ ನೀಡಿದರು. ಮಂಗಳೂರಿನ ಬಜಿಪೆ ವಿಮಾನ ನಿಲ್ದಾಣದಿಂದ ಮಂಗಳೂರಿನ ಖಾಸಗಿ ಹೋಟೆಲ್’ಗೆ ಬಂದು ಅಲ್ಲಿ ರೀಫ್ರೆಶ್ ಆಗಿ ಆ ನಂತರ ಇದೀಗ ಉಪ್ಪಿನಂಗಡಿ ಬಂದು ತಲುಪಿದ್ದಾರೆ.
ಐಶ್ವರ್ಯ ರೈ ಬಚ್ಚನ್ ಅವರ ತಂದೆ ಕೃಷ್ಣರಾಜ್ ರೈ ಇತ್ತೀಚೆಗೆ ನಿಧನರಾಗಿದ್ದರು. ಅವರ ಪಿಂಡ ಪ್ರದಾನ ಕಾರ್ಯಕ್ರಮ ನೆರವೇರಿಸುವ ಸಲುವಾಗಿ ಉಪ್ಪಿನಂಗಡಿ ಕ್ಷೇತ್ರಕ್ಕೆ ಬಂದಿದ್ದು ತುಳು ನಾಡಿನ ಸಂಪ್ರದಾಯದಂತೆ ಐಶ್ವರ್ಯ ಸಹೋದರ ತಂದೆಯ ಅಸ್ಥಿ ವಿಸರ್ಜನಾ ವಿಧಿ ನೆರವೇರಿಸಿದರು.