ಮನೆಯಲ್ಲಿ ವೇಶ್ಯಾವಾಟಿಕ – ಆರೋಪಿಗಳ ಬಂಧನ

ಮನೆಯಲ್ಲಿ ವೇಶ್ಯಾವಾಟಿಕ – ಆರೋಪಿಗಳ ಬಂಧನ

ಬಜ್ಪೆ ಪೊಲೀಸ್ ಠಾಣಾ ವ್ಯಾಪ್ತಿಯ ಡೈಮಂಡ್ ಹೋಮ್ ಬಳಿಯ ಮನೆಯೊಂದರಲ್ಲಿ ವೇಶ್ಯಾವಾಟಿಕೆ ನಡೆಯುತ್ತಿದ್ದ ಜಾಲವನ್ನು ಬಜ್ಪೆ ಪೊಲೀಸರು ಮಂಗಳವಾರ ಪತ್ತೆ ಹಚ್ಚಿ ನಾಲ್ಕು ಮಂದಿಯನ್ನು ಬಂಧಿಸಿ ನಾಲ್ವರು ಮಹಿಳೆಯರನ್ನು ರಕ್ಷಿಸಿದ್ದಾರೆ.

ಬಂಧಿತರನ್ನು ಉಡುಪಿ ಕುತ್ಯಾರು ಗ್ರಾಮದ ಶಿವಾನಂದ (45), ಪಂಜಿಮೊಗರು ಗ್ರಾಮದ ನಿರಂಜನ್ ಆರ್ ಕೋಟ್ಯಾನ್ (42), ಮುನ್ನೂರು ಗ್ರಾಮದ ಕುತ್ತಾರು ಪದವು ನಿವಾಸಿ ಎಂ ಬಿ ಇಸ್ಮಾಯಿಲ್ (35), ಮಂಜೇಶ್ವರ ಸಮೀಪದ ಮಿಂಜ ನಿವಾಸಿ ಕಡವಲಪ್ಪು ಮಹಮ್ಮದ್ ಅಬ್ಬುಸಲಿಂ (42) ಎಂದು ಗುರುತಿಸಲಾಗಿದೆ.

ಖಚಿತ ಮಾಹಿತಿಯ ಮೇರೆಗೆ ಬಜ್ಪೆ ಠಾಣೆಯ ಪೊಲೀಸ್ ಅಧಿಕಾರಿಗಳು ದಾಳಿ ನಡೆಸಿದಾಗ ನಾಲ್ಕು ಮಂದಿ ಸೆರೆ ಸಿಕ್ಕರೆ, ಮುನ್ನ ಎಂಬಾತ ತಲೆಮರೆಸಿಕೊಂಡ ಎನ್ನಲಾಗಿದೆ.

ಕಾರ್ಯಾಚರಣೆಯಲ್ಲಿ ಸಿಸಿಬಿ ಇನ್ಸ್ ಪೆಕ್ಟರ್ ಶಾಂತಾರಾಮ, ಎಸ್ಸೈ ಹರೀಶ್, ಸುಬ್ರಮ್ಹಣ್ಯ ಮತ್ತು ಬಜ್ಪೆ ಇನ್ಸ್ ಪೆಕ್ಟರ್ ಎಸ್ ಪರಶಿವ ಮೂರ್ತಿ, ಎಸ್ಸೈ ಶಂಕರ ನಾಯರಿ ಹಾಗೂ ಬಜ್ಪೆ ಠಾಣೆಯ ಸಿಬಂದಿಗಳಾದ ಲಾವಣಿ, ರಕ್ಷಿತಾ, ರಾಜೇಶ್ ಮತ್ತು ಲಕ್ಷ್ಮಣ್ ಕಾಂಬ್ಳೆ ಪಾಲ್ಗೊಂಡಿದ್ದರು.