ಲ್ಯಾಕ್ ಮೇ ಅಕಾಡೆಮಿ ವತಿಯಿಂದ ಮಂಗಳಮುಖಿಯರಿಗೆ ಸೌಂದರ್ಯ ತರಬೇತಿ

ಲ್ಯಾಕ್ ಮೇ ಅಕಾಡೆಮಿ ವತಿಯಿಂದ ಮಂಗಳಮುಖಿಯರಿಗೆ ಸೌಂದರ್ಯ ತರಬೇತಿ

ಮಂಗಳೂರು: ಲ್ಯಾಕ್ ಮೇ ಅಕಾಡೆಮಿ ಮಂಗಳೂರು ವತಿಯಿಂದ ಮಂಗಳಮುಖಿಯರಿಗೆ ಸೌಂದರ್ಯ ತರಬೇತಿಯನ್ನು ಸೋಮವಾರ ಆಯೋಜಿಸಲಾಗಿತ್ತು.

ಈ ವೇಳೆ ಮಾತನಾಡಿದ ಲ್ಯಾಕ್ ಮೇ ಅಕಾಡೆಮಿಯ ಮ್ಹಾಲಕರಾದ ರಿತೇಶ್ ಅವರು ಮಂಗಳಮುಖಿಯರಿಗೆ ಇಂತಹ ತರಬೇತಿ ಮೊದಲಾಗಿದ್ದು, ನನ್ನ ಬಾಲ್ಯದಿಂದಲೂ ಮಂಗಳ ಮುಖಿಯರ ಕುರಿತು ವಿಶೇಷ ಗೌರವನ್ನು ಹೊಂದಿದ್ದು, ಇದಕ್ಕಾಗಿಯೇ ನಾನು ವಾಯ್ಲೆಟ್ ಪಿರೇರಾ ಅವರಲ್ಲಿ ಮನವಿ ಮಾಡಿ ತನಗೂ ಮಂಗಳಮುಖಿಯರ ಅಭಿವೃದ್ಧಿಗೆ ಸೇವೆ ನೀಡಲು ಅವಕಾಶ ಕೋರಿದ್ದೆ. ಈ ಒಂದು ಅವಕಾಶ ನೀಡಿರುವುದಕ್ಕಾಗಿ ಧನ್ಯವಾದಗಳು ಎಂದರು.

ಮುಂದಿನ ದಿನಗಳಲ್ಲಿ ಅಕಾಡೆಮಿ ವತಿಯಿಂದ ಕಾಲೇಜು ವಿದ್ಯಾರ್ಥಿಗಳಿಗೂ ತರಬೇತಿ ನೀಡಲು ಯೋಜಿಸಿದ್ದು, ಇಂದು ಸೌಂದರ್ಯ ಕುರಿತ ತರಬೇತಿ ಉತ್ತಮವಾದ ಅವಕಾಶವಿದ್ದು, ಉತ್ತಮವಾದ ಸೌಕರ್ಯಗಳು ಹಾಗೂ ನುರಿತ ತರಬೇತಿದಾರರಿಂದ ಇಲ್ಲಿ ತರಬೇತಿ ನೀಡಲಾಗುತ್ತದೆ. ಯಾರು ತರಬೇತಿಯನ್ನು ಪೂರ್ಣಗೊಳಿಸುತ್ತಾರೋ ಅಂತಹವರಿಗೆ ವಿಶ್ವ ಮಾನ್ಯತೆ ಹೊಂದಿದ ಲ್ಯಾಕ್ ಮೇ ಅಕಾಡೆಮಿಯ ಪ್ರಮಾಣಪತ್ರ ಪಡೆಯಲು ಅರ್ಹರಾಗುತ್ತಾರೆ ಎಂದರು.

ಪರಿವರ್ತನಾ ಚಾರಿಟೇಬಲ್ ಸಂಸ್ಥೆಯ ಸಂಸ್ಥಾಪಕಿ ವಾಯ್ಲೆಟ್ ಪಿರೇರಾ ಮಾತನಾಡಿ ಮಂಗಳಮುಖಿಯರಿಗೆ ಉಚಿತವಾಗಿ ಸೌಂದರ್ಯ ತರಬೇತಿಯನ್ನು ಪಡೆಯಲು ಅವಕಾಶ ನೀಡಿದ ರೀತೇಶ್ ಅವರಿಗೆ ಧನ್ಯವಾದ ಸಲ್ಲಿಸಿದರು.