ಹಸಿದವರಿಗೊಂದು ಭರವಸೆ : ಪಡೀಲ್ ಮಸ್ಜಿದುರ್ರಹ್ಮಾನ್ ಸುನ್ನೀ ಜಮಾಅತ್ ಹಣ್ಣುಹಂಪಲು, ಆಹಾರ ವಿತರಣೆ
ಮಂಗಳೂರು : ನಗರದ ಪಡೀಲ್ ಮಸ್ಜಿದುರ್ರಹ್ಮಾನ್ ಸುನ್ನೀ ಜಮಾಅತ್ ವತಿಯಿಂದ ಶೈಖ್ ರಿಫಾಯಿ (ರ)ರವರ ಸ್ಮರಣಾರ್ಥ ಅಂಗವಾಗಿ ಬಡ,ಅನಾಥ, ನಿರ್ಗತಿಕ ಬುದ್ಧಿಮಾಂಧ್ಯ ,ಅಂಗವಿಕಲರ ವೃದ್ಧಾಶ್ರಮಗಳಿಗೆ ಆಹಾರ ವಿತರಣೆ ಮತ್ತು ಆಸ್ಪತ್ರೆಗಳಲ್ಲಿರುವ ರೋಗಿಗಳಿಗೆ ಹಣ್ಣು ಹಂಪಲು ವಿತರಣೆ ಕಾರ್ಯಕ್ರಮ ಜರಗಿತು.
ಕಾರ್ಯಕ್ರಮದಲ್ಲಿ ನಗರದ ವೆನ್‌ಲಾಕ್ ಆಸ್ಪತ್ರೆ, ಲೇಡಿಗೋಶನ್ ಆಸ್ಪತ್ರೆಯ ಒಳ ರೋಗಿಗಳಿಗೆ,ಈಶ್ವರಾನಂದ ಬಾಲಿಕಾಶ್ರಮ,ಭಗಿನಿ ಸಮಾಜ ಜೆಪ್ಪು ಸಂವೇದಾನಾ ಮಕ್ಕಳ ಮನೆ,ಝೀನತ್ ಭಕ್ಸ್ ಯತೀಂ ಖಾನ,ಸಂಜೀವ್ ಭಾಯಿ ವೃದ್ಧಾಶ್ರಮ,ಕರುಣಾಮಯಿ ವೃದ್ಧಾಶ್ರಮ ಹಾಗೂ ಸಾನಿಧ್ಯ ಆಶ್ರಮದ ಬುದ್ಧಿಮಾಂಧ್ಯ ಮಕ್ಕಳಿಗೆ ಆಹಾರ ವಿತರಣೆ , ಹಣ್ಣುಹಂಪಲುಗಳನ್ನು ವಿತರಿಸಲಾಯಿತು.
ಮಸ್ಜಿದುರ್ರಹ್ಮಾನ್ ಸುನ್ನೀ ಜಮಾಅತ್ ಇಮಾಂ ಹಾಫಿಳ್ ಅನಸ್ ಅಹ್ಸನಿ ನೆಲ್ಯಾಡಿ ಮಾತನಾಡಿ, ಮಾನವತಾವಾದಿ ಶೈಖ್ ರಿಫಾಈ ಅವರು ಧಾರ್ಮಿಕ , ಶೈಕ್ಷಣಿಕ, ಸಾಮಾಜಿಕ ರಂಗಗಳಲ್ಲಿ ಹಲವು ಕೊಡುಗೆಗಳನ್ನು ಜಗತ್ತಿಗೆ ನೀಡಿದ ಮಹಾನ್ ವ್ಯಕ್ತಿ, ಅವರು ಸಮಾಜ ಸೇವೆಗಾಗಿ ಅವರು ನಡೆಸಿದ ಚಟುವಟಿಕೆಗಳು ನಿಜಕ್ಕೂ ಶಾಘ್ಲನೀಯ ಎಂದ ಅವರು, ಕೋಟ್ಯಾಂತ ಮುಸ್ಲಿಂ ಸಮುದಾಯಕ್ಕೆ ದಾರಿ ದೀಪವಾಗಿದ್ದಾರೆ.ಅವರ ಸೇವೆಯನ್ನು ನೆನೆಪಿಸಿಕೊಂಡು ಬಡವರಿಗೆ ಹಾಗೂ ರೋಗಿಗಳಿಗೆ ಸಹಾಯ ಹಸ್ತವನ್ನು ಮಾಡಲಾಗುತ್ತಿದೆ ಎಂದು ಅವರು ಹೇಳಿದರು.
ಈ ಸಂದರ್ಭದಲ್ಲಿ ಮಸ್ಚಿದುರ್ರಹ್ಮಾನ್ ಸುನ್ನಿ ಜಮಾಅತ್ ಅಧ್ಯಕ್ಷರಾದ ಹಾಜಿ ಅಬ್ದುಲ್ ಹಮೀದ್ ಕರಾವಳಿ, ಉಪಾಧ್ಯಕ್ಷರಾದ ಹಾಜಿ ಶಕೀರ್ ಅಹ್ಮದ್ ಹೈಸಂ ,ಹಾಜಿ ಅಬ್ದುಲ್ ಲತೀಫ್ ಗೊಲ್ಡನ್, ಕೋಶಾಧಿಕಾರಿ ಇ.ಕೆ ರಪೀಕ್ ಕಣ್ಣೂರು, ಜನಾಬ್ ಸಯ್ಯದ್ ಅಶ್ರಫ್,ಸಯ್ಯದ್ ಇಸ್ಹಾಕ್ ತಂಙಳ್ ಉಜಿರೆ ಶಪೀ ನಾಗೂರಿ,ಹಾಜಿ.ಡಿ.ಕೆ ಅಹ್ಮದ್ ಬಾವಾ, ಮನ್ಸೂರ್, ಸೇರಿದಂತೆ ಮೊದಲಾದವರು ಉಪಸ್ಥಿತರಿದ್ದರು.