ಉಡುಪಿ ಪ್ರೆಸ್ ಕ್ಲಬ್ ಸಂಚಾಲಕರಾಗಿ ನಾಗರಾಜ್ ರಾವ್ ಆಯ್ಕೆ

ಉಡುಪಿ ಪ್ರೆಸ್ ಕ್ಲಬ್ ಸಂಚಾಲಕರಾಗಿ ನಾಗರಾಜ್ ರಾವ್ ಆಯ್ಕೆ

ಉಡುಪಿ: ಉಡುಪಿ ಪ್ರೆಸ್ ಕ್ಲಬ್ ನ ನೂತನ ಸಂಚಾಲಕರಾಗಿ ಟಿವಿ5 ವಾಹಿನಿಯ ಜಿಲ್ಲಾ ವರದಿಗಾರ ನಾಗರಾಜ್ ರಾವ್ ಅವರು ಸರ್ವಾನುಮತದಿಂದ ಆಯ್ಕೆಯಾಗಿದ್ದಾರೆ.

ಸಹಸಂಚಾಲಕರಾಗಿ ಕನ್ನಡಪ್ರಭ ದಿನಪತ್ರಿಕೆಯ ಜಿಲ್ಲಾ ವರದಿಗಾರ ಸುಭಾಶ್ಚಂದ್ರ ವಾಗ್ಳೆ, ದಿಗ್ವಿಜಯ ವಾಹಿನಿಯ ಕ್ಯಾಮರಾಮೆನ್ ಅನೀಶ್ ಡಿಸೋಜಾ ಅವರು ಆಯ್ಕೆಯಾಗಿದ್ದಾರೆ. ಉಡುಪಿ ಪ್ರೆಸ್ ಕ್ಲಬ್ ನಲ್ಲಿ ಡಿಸೆಂಬರ್ 30 ರಂದು ನಡೆದ ಸಭೆಯಲ್ಲಿ ಈ ಆಯ್ಕೆ ನಡೆಸಲಾಯಿತು.

ನಿಕಟಪೂರ್ವ ಸಂಚಾಲಕ ಚೇತನ್ ಪಡುಬಿದ್ರಿ ಅವರು ನೂತನ ತಂಡಕ್ಕೆ ಅಧಿಕಾರ ಹಸ್ತಾಂತರಿಸಿದರು. ನಿಕಟಪೂರ್ವ ಸಹಸಂಚಾಲಕರಾದ ನಜೀರ್ ಪೊಲ್ಯ, ಹರ್ಷರಾಜ್ ಕೋಡಿಕನ್ಯಾನ ಉಪಸ್ಥಿತರಿದ್ದರು.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಗಣೇಶ್ ಪ್ರಸಾದ್ ಪಾಂಡೇಲು, ಕಾರ್ಯದರ್ಶಿ ಸಂತೋಷ್ ಪಾಲ್ಗೊಂಡಿದ್ದರು.