ಉಳ್ಳಾಲ; ಕೊಲೆ ಯತ್ನ ಆರೋಪ – ನಾಲ್ವರು ಆರೋಪಿಗಳ ಬಂಧನ

ಉಳ್ಳಾಲ; ಕೊಲೆ ಯತ್ನ ಆರೋಪ – ನಾಲ್ವರು ಆರೋಪಿಗಳ ಬಂಧನ

ಮಂಗಳೂರು: ಉಳ್ಳಾಲ ಠಾಣಾ ವ್ಯಾಪ್ತಿಯ ತಲಪಾಡಿ ಎಂಬಲ್ಲಿ ಅಹ್ಮದ್ ಇಮ್ರಾನ್ ಮತ್ತು ಫೈಝಲ್ ಎಂಬವರನ್ನು ಕೊಲೆ ಮಾಡಲು ಯತ್ನಿಸಿದ ಆರೋಪದ ಮೇಲೆ ಉಳ್ಳಾಲ ಪೋಲಿಸರು 4 ಮಂದಿ ಆರೋಪಿಗಳನ್ನು ಬಂಧಿಸಿದ್ದಾರೆ.

ಬಂಧಿತರನ್ನು ತಲಪಾಡಿ ನಿವಾಸಿ ಜೀವನ್ ಡಿಸೋಜ(23), ಮೈಕಲ್ @ಕಿಶೋರ್ (20), ಕಾಸರಗೋಡು ಮಂಜೇಶ್ವರ್ ನಿವಾಸಿ ಶೋಭಿತ್ ಮತ್ತು ಕಾಸರಗೋಡು ಕುಂಜತ್ತೂರು ನಿವಾಸಿ ನಿಕೇಶ್ (19) ಎಂದು ಗುರುತಿಸಲಾಗಿದೆ.

ಬಂಧಿತರು ಫೆಬ್ರವರಿ 17 ರಂದು ಉಳ್ಳಾಲ ತಲಪಾಡಿ ವ್ಯಾಪ್ತಿಯಲ್ಲಿ ಅಹ್ಮದ್ ಇಮ್ರಾನ್ ಮತ್ತು ಫೈಝಲ್ ಎಂಬವರನ್ನು ಮಾರಕಾಯುಧಗಳಿಂದ ಹಲ್ಲೆ ಮಾಡಿ ಕೊಲೆ ಮಾಡಲು ಪ್ರಯತ್ನಿಸಿರುವ ಕುರಿತು ಉಳ್ಳಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ತನಿಖೆ ಆರಂಭಿಸಿದ ಪೋಲಿಸರು ಸೋಮವಾರ ಉಳ್ಳಾಲ ಪೋಲಿಸ್ ನೀರಿಕ್ಷಕ ಗೋಪಿಕೃಷ್ಣ ಕೆ.ಆರ್ ಅವರ ನೇತೃತ್ವದಲ್ಲಿ ಕೋಟೆಕಾರು ಬೀರಿ ಎಂಬಲ್ಲಿ ಆರೋಪಿಗಳನ್ನು ದಸ್ತಗಿರಿ ಮಾಡಿದ್ದಾರೆ.

ಬಂಧಿತ ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು, ಆರೋಪಿಗಳಿಗೆ 15 ದಿನಗಳ ನ್ಯಾಯಾಂಗ ಬಂಧನ ಒಳಪಡಿಸಲಾಗಿದೆ.