ಕರಾವಳಿ ಉತ್ಸವ : ಜನವರಿ 1 ರಂದು ಈಜು ಸ್ಪರ್ಧೆ

ಮ0ಗಳೂರು : ಕರಾವಳಿ ಉತ್ಸವ-2016-17ರ ಅಂಗವಾಗಿ ಕರಾವಳಿ ಉತ್ಸವ ಸಮಿತಿ, ಜಿಲ್ಲಾ ಆಡಳಿತ, ದ. ಕ. ಜಿಲ್ಲಾ ಪಂಚಾಯತ್, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ, ಮಂಗಳೂರು ಹಾಗೂ ಮಹಾನಗರಪಾಲಿಕೆ, ಮಂಗಳೂರು ಇವರುಗಳ  ಸಂಯುಕ್ತ ಆಶ್ರಯದಲ್ಲಿ  ದ. ಕ. ಜಿಲ್ಲಾ ಮಟ್ಟದ  ಈಜು ಸ್ಪರ್ಧೆಯನ್ನು  ಪ್ರಾಥಮಿಕ  ಮತ್ತು ಪ್ರೌಢಶಾಲೆಗಳ ಬಾಲಕ ಬಾಲಕಿಯರಿಗೆ (14 ಮತ್ತು 17 ವಯೋಮಾನದವರಿಗೆ) ಜನವರಿ 1 ರಂದು ಮಹಾನಗರಪಾಲಿಕೆ ಈಜುಕೊಳ, ಲೇಡಿಹಿಲ್,  ಮಂಗಳೂರು ಇಲ್ಲಿ ಏರ್ಪಡಿಸಲಾಗುವುದು.

ಈಜು ಸ್ಪರ್ಧೆಯಲ್ಲಿ ಭಾಗವಹಿಸಲಿಚ್ಚಿಸುವ ಕ್ರೀಡಾಪಟುಗಳು ದೃಢೀಕೃತ ಜನ್ಮ ದಿನಾಂಕ ಪ್ರಮಾಣ ಪತ್ರದೊಂದಿಗೆ  ಪ್ರವೇಶಪತ್ರವನ್ನು ಸ್ಪರ್ಧೆ ನಡೆಯುವ ಸ್ಥಳದಲ್ಲಿ ಅಂದು  ಬೆಳಗ್ಗೆ 9 ಗಂಟೆಯ ಒಳಗೆ ಹಾಜರಾಗಬೇಕು.

ಹೆಚ್ಚಿನ ಮಾಹಿತಿಗಾಗಿ ಉಪನಿರ್ದೇಶಕರು, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ,  ಮಂಗಳಾ ಕ್ರೀಡಾಂಗಣ, ಮಂಗಳೂರು  ಇವರನ್ನು ಕಚೇರಿ ವೇಳೆ ಹಾಗೂ ದೂರವಾಣಿ ಸಂ. 0824-2451264ವನ್ನು ಸಂಪರ್ಕಿಸಲು ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯ ಉಪನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.