ಕಾಪು ಮಾರಿಗುಡಿಗೆ ಭೇಟಿ ನೀಡಿದ ಬಾಲಿವುಡ್ ನಟಿ ಪೂಜಾ ಹೆಗ್ಡೆ

ಕಾಪು ಮಾರಿಗುಡಿಗೆ ಭೇಟಿ ನೀಡಿದ ಬಾಲಿವುಡ್   ನಟಿ ಪೂಜಾ ಹೆಗ್ಡೆ

ಉಡುಪಿ:   ಬಾಲಿವುಡ್ ಬಹುನಿರೀಕ್ಷೆಯ ನಟಿ ಪೂಜಾ ಹೆಗ್ಡೆ ಉಡುಪಿಗೆ ಆಗಮಿಸಿದ್ದು,  ತನ್ನ ಕುಟುಂಬದ ಮನೆ ಉಡುಪಿ ಜಿಲ್ಲೆಯ ಕಾರ್ಕಳ ತಾಲೂಕಿನಲ್ಲಿರುವುದರಿಂದ ಪೂಜಾ ಉಡುಪಿಗೆ ಜಿಲ್ಲೆಗೆ ಆಗಮಿಸಿದ್ದರು.

 ಕಾಪು ಮಾರಿಯಮ್ಮ ದೇವಸ್ಥಾನಕ್ಕೆ ಭೇಟಿ ನೀಡಿದ ಪೂಜಾ ಹೆಗ್ಡೆ ದೇವರಿಗೆ ವಿಶೇಷ ಪೂಜೆ ಸಲ್ಲಿಸಿದರು. ಪೂಜಾ ಹೆಗ್ಡೆ ಕುಟುಂಬಸ್ಥರು ಅವರ  ಜೊತೆಗಿದ್ದರು.

  ಬಾಲಿವುಡ್‍ನ ಹೃತಿಕ್ ರೋಷನ್ ಅಭಿನಯದ ಮೆಹೆಂಜೋದಾರೋ ಮತ್ತು ಟಾಲಿವುಡ್‍ನ ಅಲ್ಲು ಅರ್ಜುನ್ ಅಭಿನಯದ ದೇವುಡ ಜಗನ್ನಾಥಮ್ ಚಿತ್ರದಲ್ಲಿ ಪೂಜಾ ಹೆಗ್ಡೆ ಅಭಿನಯಿಸಿದ್ದರು. ಎರಡೂ ಚಿತ್ರಗಳು ಒಳ್ಳೆ ಹೆಸರು ಮಾಡಿತ್ತು.

 ಒಂದು ತೆಲುಗು ಚಿತ್ರ ಕೈಯ್ಯಲ್ಲಿದ್ದು- ಹಿಂದಿಯ ಮೂರು ಸ್ಕ್ರಿಪ್ಟ್‍ಗಳನ್ನು ಓದುತ್ತಿದ್ದೇನೆ. ಇಷ್ಟವಾದರೆ ಅದಕ್ಕೆ ಸಹಿ ಮಾಡುತ್ತೆನೆ ಎಂದು ಹೇಳಿರುವ ಪೂಜಾ, ಮದುವೆ ಸುದ್ದಿ ತೆಗೆದ ಕೂಡಲೇ  ಮದುವೆ ಬಗ್ಗೆ ಮಾತನಾಡಲು ನಾನು ಇನ್ನೂ ಚಿಕ್ಕವಳು. ನನ್ನ ಮುಂದೆ ದೊಡ್ಡ ದೊಡ್ಡ ಕನಸಿದೆ- ಚಿತ್ರರಂಗದಲ್ಲಿ ಹೆಸರು ಮಾಡಿದ ನಂತರ ಆ ಬಗ್ಗೆ ಯೋಚನೆ ಮಾಡ್ತೇನೆ- ಮಾತನಾಡುತ್ತೇನೆ ಎಂದು ಹೇಳಿದರು.

 ಕನ್ನಡದಲ್ಲಿ ನಟಿಸುವ ಬಗ್ಗೆ ಕೇಳಿದ ಪ್ರಶ್ನೆಗೆ ಒಳ್ಳೆಯ ಡೈರೆಕ್ಟರ್ ಮತ್ತು ಒಳ್ಳೆಯ ಸ್ಕ್ರಿಪ್ಟ್ ಸಿಕ್ಕರೆ ಸ್ಯಾಂಡಲ್ ವುಡ್ಡಿನಲ್ಲೂ ನಟಿಸೋರೆ ರೆಡಿ ಎಂದರು.