ಕಾಲೇಜು ಸಂದರ್ಶನಕ್ಕೆಂದು ಬಂದ ಬೆಂಗಳೂರಿನ ಯುವಕ ನಾಪತ್ತೆ

ಕಾಲೇಜು ಸಂದರ್ಶನಕ್ಕೆಂದು ಬಂದ ಬೆಂಗಳೂರಿನ ಯುವಕ ನಾಪತ್ತೆ

ಮ0ಗಳೂರು :  ಕಾಲೇಜು ಸಂದರ್ಶನಕ್ಕೆಂದು ಬಂದ ಯುವಕ ನಾಪತ್ತೆಯಾಗಿರುವ ಬಗ್ಗೆ ಸುರತ್ಕಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

  ಬೆಂಗಳೂರಿನ ನೆಲಮಂಗಳ ತಾಲೂಕು ಮಾವಿನಕೊಮ್ಮನಹಳ್ಳಿ ನಿವಾಸಿ ಅಶ್ವತ ನಾರಾಯಣ ಗೌಡ ಎಂಬವರ ಮಗ ಅಭಿಶೇಕ್ ಗೌಡ(21)  ಎಂಬಾತ ಎನ್.ಐ.ಟಿ.ಕೆಯಲ್ಲಿ  ಎಂಟೆಕ್ ಸಂದರ್ಶನಕ್ಕೆ ಆಗಸ್ಟ್ 2 ರಂದು ಬಂದು ಸುರತ್ಕಲ್ ಪೇಟೆಯಲ್ಲಿನ ಕೃಷ್ಣ ಲಾಡ್ಜ್‍ನಲ್ಲಿ ತಂಗಿದ್ದು, ಆಗಸ್ಟ್ 3 ರಂದು ಕಾಣೆಯಾಗಿರುತ್ತಾನೆ.

  ಈತನ ಎತ್ತರ-168, ಕೂದಲು-ಕಪ್ಪು ಬಣ್ಣ, ಗೋಧಿ ಮೈ ಬಣ್ಣ, ಉದ್ದಮುಖ, ಸಾಧಾರಣ ಮೈಕಟ್ಟು, ಇದ್ದು,  ಕಪ್ಪು ಬಣ್ಣದ ಪ್ಯಾಂಟ್, ಆಕಾಶ ನೀಲಿ ಬಣ್ಣದ ಉದ್ದ ಕೈ ಶರ್ಟ್ ಧರಿಸಿರುತ್ತಾನೆ. ಈ ಚಹರೆಯ ವ್ಯಕ್ತಿ ಬಗ್ಗೆ ಮಾಹಿತಿ ದೊರಕಿದಲ್ಲಿ ಸುರತ್ಕಲ್ ಪೊಲೀಸ್ ಠಾಣೆಗೆ  ಮಾಹಿತಿ ನೀಡಲು ಪ್ರಕಟಣೆ ತಿಳಿಸಿದೆ.