ಕುಂದಾಪುರ : ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದಇಬ್ಬರ ಬಂಧನ

ಕುಂದಾಪುರ : ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದಇಬ್ಬರ ಬಂಧನ

ಕುಂದಾಪುರ: ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದವರನ್ನು ಕುಂದಾಪುರ ಪೊಲೀಸರು ಗುರುವಾರ ಬಂಧಿಸಿದ್ದಾರೆ.

ಬಂಧಿತರನ್ನು ಕುಂದಾಪುರ ಕಾಳಾವರ ನಿವಾಸಿ ನಿಶ್ಚಲ್ (22) ಮತ್ತು ಇನ್ನೋರ್ವ ಬಾಲಕ ಕಾನೂನು ಸಂಘರ್ಷಕ್ಕೆ ಒಳಗಾದವನು ಎಂದು ಗುರುತಿಸಲಾಗಿದೆ.

ಗುರುವಾರ ಸಾಯಂಕಾಲ ಕುಂದಾಪುರ ಠಾಣಾ ಸರಹದ್ದಿನ ಕುಂಭಾಶಿಯ ಹರಿಹರ ದೇವಸ್ಥಾನಕ್ಕೆ ಹೋಗುವ ತಿರುವು ರಸ್ತೆಯ ಉತ್ತರದಲ್ಲಿರುವ ಖಾಲಿ ಜಾಗದ ಬಳಿ ಐ20 ಕಾರು ನಂಬ್ರ ಕೆಎ20ಝಡ್641ರಲ್ಲಿ ಗಾಂಜಾ ಎಂಬ ಮಾದಕ ವಸ್ತು ಮಾರಾಟ ಮಾಡಲು ಇಬ್ಬರು ನಿಂತುಕೊಂಡಿರುವ ಬಗ್ಗೆ ಬಂದ ಖಚಿತ ಮಾಹಿತಿ ಮೇರೆಗೆ ಮೇಲಾಧಿಕಾರಿಯವರ ಅನುಮತಿ ಪಡೆದು ಕುಂದಾಪುರ ಠಾಣಾ ಪೊಲೀಸ್ ಉಪನಿರೀಕ್ಷಕರಾದ ಹರೀಶ್ ರವರು ಪತ್ರಾಂಕಿತ ಅಧಿಕಾರಿಯವರೊಂದಿಗೆ ಠಾಣಾ ಸಿಬ್ಬಂದಿಯವರಾದ ಸಂತೋಷ್ ಕುಮಾರ್, ಮಂಜುನಾಥ, ಗೋಕುಲ, ಮೋಹನ್, ಸಂತೋಷ್, ಚಂದ್ರಶೇಖರ ಹಾಗೂ ಚಾಲಕ ಸಂತೋಷ್ ಕುಮಾರ್ ರವರೊಂದಿಗೆ ದಾಳಿ ಮಾಡಿ ಆರೋಪಿಗಳನ್ನು ಬಂಧಿಸಿದ್ದಾರೆ.

ಬಂಧಿತರಿಂದ ರೂಪಾಯಿ 20,000 ಮೌಲ್ಯದ 604 ಗ್ರಾಂ ಗಾಂಜಾವನ್ನು ಸ್ವಾಧೀನಪಡಿಸಿಕೊಂಡಿರುತ್ತಾರೆ.

ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿ ತನಿಖೆಯಲ್ಲಿರುತ್ತದೆ.