ಜೇಸಿಐ ಉದ್ಯಾವರ-ಕುತ್ಪಾಡಿ : ನೂತನ ಕಾರ್ಯಕಾರಿ ಸಮಿತಿಯ ಪದಗ್ರಹಣ ಸ್ವೀಕಾರ
ಉಡುಪಿ: ವಲಯ ಹದಿನೈದರ ಪ್ರತಿಷ್ಠಿತ ಘಟಕಗಳಲ್ಲಿ ಒಂದಾಗಿರುವ ಮತ್ತು ದಶಮಾನೋತ್ಸವ ಸಂಭ್ರಮದಲ್ಲಿರುವ ಜೇಸಿಐ ಉದ್ಯಾವರ ಕುತ್ಪಾಡಿಯ ನೂತನ ಕಾರ್ಯಕಾರಿ ಸಮಿತಿಯ ಪದಗ್ರಹಣ ಕಾರ್ಯಕ್ರಮವು ಉದ್ಯಾವರ ಬಲಾಯಿಪಾದೆ ನಿತ್ಯಾನಂದ ಸಭಾ ಭವನದಲ್ಲಿ ಜರಗಿತು.
ಪ್ರಸ್ತುತ ಸಾಲಿನ ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ಜೇಸಿ ದಯಾನಂದ ಶೆಟ್ಟಿ ಅವರು ನಿಕಟಪೂರ್ವ ಅಧ್ಯಕ್ಷ ಜೆಸಿ ರಾಘವೇಂದ್ರ ರವರ ಮೂಲಕ ಪ್ರಮಾಣ ವಚನ ಸ್ವೀಕರಿಸಿ ಅಧಿಕಾರ ಸ್ವೀಕರಿಸಿದರು. ಬಳಿಕ ಮಾತನಾಡಿದ ನೂತನ ಅಧ್ಯಕ್ಷ ಜೇಸಿ ದಯಾನಂದ ಶೆಟ್ಟಿ, ವಲಯ ಹದಿನೈದರಲ್ಲಿ ಜೇಸಿಐ ಉದ್ಯಾವರ-ಕುತ್ಪಾಡಿಗೆ ತನ್ನದೇ ಆದ ಘನತೆ ಗೌರವವಿದೆ. ಪ್ರಸ್ತುತ ವರ್ಷ ನಮ್ಮ ಘಟಕವು ದಶಮಾನೋತ್ಸವ ಸಂಭ್ರಮದಲ್ಲಿದ್ದು, ಸಮಾಜಕ್ಕೆ ಮತ್ತು ವಿದ್ಯಾರ್ಥಿಗಳಿಗೆ ಬೇಕಾಗುವಂತಹ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತೇವೆ ಮತ್ತು ಸರ್ವರ ಸಹಕಾರವನ್ನು ಈ ಸಂದರ್ಭದಲ್ಲಿ ಯಾಚಿಸಿದರು. ನಿಕಟಪೂರ್ವ ಅಧ್ಯಕ್ಷ ಜೆಸಿ ರಾಘವೇಂದ್ರ ತನ್ನ ಅವಧಿಯಲ್ಲಿ ಸಹಕರಿಸಿದ ಸರ್ವರಿಗೂ ಕೃತಜ್ಞತೆ ಸಲ್ಲಿಸಿದರು.
ವಲಯ ಹದಿನೈದರ ವಲಯಾಧ್ಯಕ್ಷ ಜಿಎಫ್ಪಿ ಕಾರ್ತಿಕೇಯ ಮಧ್ಯಸ್ಥ ಮತ್ತು ವಲಯ ಉಪಾಧ್ಯಕ್ಷ ಜೇಸಿ ಸೆನೆಟರ್ ಲೋಕೇಶ್ ರೈ ಶುಭ ಹಾರೈಸಿದರು. ವೇದಿಕೆಯಲ್ಲಿ ಮಾಜಿ ಗ್ರಾಮ ಪಂಚಾಯತ್ ಅಧ್ಯಕ್ಷ, ಜೆಸಿ ಉದ್ಯಾವರ ಕುತ್ಪಾಡಿ ಸಲಹೆಗಾರ ಜೇಸಿ ವಿಜಯ ಕುಮಾರ್ ಉದ್ಯಾವರ, ಜೇಸಿ ಮುಂದಾಳುಗಳಾದ ಜೇಸಿ ಸುಪ್ರೀತ್ ಸುವರ್ಣ, ಜೇಸಿ ಗಿರೀಶ್ ಕುಮಾರ್, ಜೇಸಿ ರಾಘವೇಂದ್ರ ಉಪಸ್ಥಿತರಿದ್ದರು.
ಜೇಸಿಐ ಉದ್ಯಾವರ ಕುತ್ಪಾಡಿ ಘಟಕದ ಪ್ರಸ್ತುತ ಸಾಲಿನ ಕಾರ್ಯದರ್ಶಿಯಾಗಿ ಜೇಸಿ ಹರೀಶ್ ಪುತ್ರನ್, ಕೋಶಾಧಿಕಾರಿಯಾಗಿ ಜೇಸಿ ರವಿರಾಜ್ ಸಾಲ್ಮರ, ಉಪಾಧ್ಯಕ್ಷರಾಗಿ ಜೇಸಿ ಶರತ್ ಕುಮಾರ್, ಜೇಸಿ ಜಾಯ್ಲೇಟ್ ಡಿಸೋಜಾ, ಜೇಸಿ ಸುಪ್ರೀತ್ ಸುವರ್ಣ, ಜೇಸಿ ಗಿರೀಶ್ ಕುಮಾರ್, ಜೇಸಿ ರಾಘವೇಂದ್ರ ಎಂ, ನಿರ್ದೇಶಕರಾಗಿ ಜೆಸಿ ಜೊವಿಟ ಕ್ರಾಸ್ತಾ, ಜೇಸಿ ಯೋಗೀಶ್ ಕೋಟ್ಯಾನ್, ಜೇಸಿ ಪ್ರೇಮ್ ಮಿನೇಜಸ್, ಜೆಸಿ ರವಿಕುಮಾರ್, ಜೆಸಿ ನವೀನ್ ಕುಮಾರ್ ನೂತನ ಅಧ್ಯಕ್ಷರಿಂದ ಪ್ರಮಾಣವಚನ ಸ್ವೀಕರಿಸಿದರು.
ನಿಕಟಪೂರ್ವ ಅಧ್ಯಕ್ಷ ಜೆಸಿ ರಾಘವೇಂದ್ರ ಅವರ ಸೇವೆಯನ್ನು ಗುರುತಿಸಿ ಜೇಸಿ ಉದ್ಯಾವರ ಕುತ್ಪಾಡಿ ಘಟಕದ ಪರವಾಗಿ ವಲಯಾಧ್ಯಕ್ಷರು ಸನ್ಮಾನಿಸಿದರು.
ನಿಕಟಪೂರ್ವ ಅಧ್ಯಕ್ಷ ಜೆಸಿ ರಾಘವೇಂದ್ರ ಎ ಸ್ವಾಗತಿಸಿದರೆ, ನೂತನ ಕಾರ್ಯದರ್ಶಿ ಜೇಸಿ ಹರೀಶ್ ಪುತ್ರನ್ ಧನ್ಯವಾದ ಸಮರ್ಪಿಸಿದರು.
