ಡಿಸೆಂಟ್ ಫ್ರೆಂಡ್ಸ್ ಮಟಪಾಡಿ – ನೀಲಾವರ ವತಿಯಿಂದ ವನಮಹೋತ್ಸವ ಆಚರಣೆ

ಡಿಸೆಂಟ್ ಫ್ರೆಂಡ್ಸ್ ಮಟಪಾಡಿ – ನೀಲಾವರ ವತಿಯಿಂದ ವನಮಹೋತ್ಸವ ಆಚರಣೆ

ಉಡುಪಿ: ಡಿಸೆಂಟ್ ಫ್ರೆಂಡ್ಸ್ ಮಟಪಾಡಿ – ನೀಲಾವರ ಇವರ ವತಿಯಿಂದ ತಮ್ಮ 20ನೇ ವಾರ್ಷಿಕೋತ್ಸವದ ಪ್ರಯುಕ್ತ ಭಾನುವಾರ ಸಂಘಟನೆಯ ಪ್ರಮುಖ ರಾಹುಲ್ ಅವರ ನೇತೃತ್ವದಲ್ಲಿ ವನಮಹೋತ್ಸವ ಕಾರ್ಯಕ್ರಮ ನಡೆಯಿತು.

ಈ ವೇಳೆ ಸಂಘಟನೆಯ ಸದಸ್ಯರು ಮಟಪಾಡಿಯಿಂದ ಕೆಮ್ಮಣ್ ಕಡು ವರೆಗೆ ರಸ್ತೆಯ ಇಕ್ಕೆಲಗಳಲ್ಲಿ ಸುಮಾರು 200 ವಿವಿಧ ಜಾತಿಯ ಗಿಡಗಳನ್ನು ನೆಡಲಾಯಿತು.

ಈ ವೇಳೆ ಮಾತನಾಡಿದ ರಾಹುಲ್ ಅವರು ಡಿಸೆಂಟ್ ಫ್ರೆಂಡ್ಸ್ ವತಿಯಿಂದ ಕಳೆದ 20 ವರ್ಷಗಳಿಂದ ಹಲವಾರು ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಬಂದಿದ್ದು, ಈ ವರ್ಷ ಮಟಪಾಡಿಯಿಂದ ಕೆಮ್ಮಣ್ ಕಡು ವರೆಗೆ ರಸ್ತೆಯ ಇಕ್ಕೆಲಗಳಲ್ಲಿ ಸುಮಾರು 200 ವಿವಿಧ ಜಾತಿಯ ಗಿಡಗಳನ್ನು ನೆಡಲು ನಿರ್ಧರಿಸಲಾಗಿದೆ. ಪ್ರಕೃತಿ ಸೌಂದರ್ಯದ ಮುಂದೆ ಬೇರೆ ಸೌಂದರ್ಯ ನಗಣ್ಯ ಹಸಿರನ್ನು ಉಳಿಸಿ ಬೆಳೆಸುವ ನಿಟ್ಟಿನಲ್ಲಿ ಸಂಘಟನೆ ಸದಾ ಬದ್ದವಾಗಿದೆ ಎಂದರು.

ಈ ವೇಳೆ ಸಂಘಟನೆಯ ಪ್ರದೀಪ್, ಸಂದೇಶ್, ಯೋಗೀಶ್, ಸುನೀಲ್, ಪ್ರಶಾಂತ್, ಕೋಟಿ ಪೂಜಾರಿ, ಚಿನ್ಮಯ್, ರಂಜನ್, ರಾಘವೇಂದ್ರ, ಸ್ಟೀವನ್, ಸಚಿನ್, ಪ್ರವೀಣ್, ಪ್ರಜ್ವಲ್, ಧೀರಜ್, ಸೂರ್ಯ, ಗಣೇಶ್ ಸುರೇಶ್, ಸತೀಶ್ ಮತ್ತು ಇತರರು ಉಪಸ್ಥಿತರಿದ್ದರು.