ನಿವೃತ್ತ ಶಿಕ್ಷಕಿಗೆ 5 ಲಕ್ಷ ವಂಚಿಸಿದ ಹಳೆ ವಿದ್ಯಾರ್ಥಿ
ಕುಂದಾಪುರ: ನಿವೃತ್ತ ಶಿಕ್ಷಕಿಯೊಬ್ಬರಿಗೆ ಅವರ ವಿದ್ಯಾರ್ಥಿಯೊಬ್ಬರು ರೂಪಾಯಿ ಐದು ಲಕ್ಷ ವಂಚಿಸಿದ ಪ್ರಕರಣ ತಡವಾಗಿ ಕುಂದಾಪುರ ಗ್ರಾಮಾಂತರ ಠಾಣೆಯಲ್ಲಿ ದಾಖಲಾಗಿದೆ.
ಪಿ ಶೀಲಾವತಿ ಶೆಟ್ಟಿ ಎಂಬವರು ತನ್ನ ಒರ್ವ ವಿದ್ಯಾರ್ಥಿಯ ಮಗಳ ಮದುವೆಯ ಖರ್ಚಿಗೆಂದು 2014 ಮೇ 23 ರಂದು ಐದು ಲಕ್ಷ ಸಾಲವಾಗಿ ನೀಡಿದ್ದು ಹಣವನ್ನು ವಾಪಾಸು ನೀಡಿರಲಿಲ್ಲ. 2019 ರಮೇ 27ರಂದು ಶಿಕ್ಷಕಿಗೆ ವಿದ್ಯಾರ್ಥಿಯು ತಾನು ಪಡಕೊಂಡು ಸಾಲದ ಬಾಬ್ತು ವಿಜಯ ಬ್ಯಾಂಕ್ ಸಲ್ವಾಡಿ ಶಾಖೆಯ ಚೆಕ್ ನೀಡಿದ್ದು ಆರೋಪಿಯು ನೀಡಿದ ಚೆಕ್ಕಿನಿಂದ ಹಣ ಸಂಗ್ರಹಕ್ಕೆ ಬ್ಯಾಂಕಿಗೆ ಹಾಕಿದರೆ ಮಾನ್ಯವಾಗುವುದಾಗಿ ನಂಬಿಸಿರುತ್ತಾರೆ. ಚೆಕ್ಕನ್ನು ಸ್ವೀಕರಿಸಿ ಬ್ಯಾಂಕಿಗೆ ಹಾಕಿದಾಗ ಚೆಕ್ನಲ್ಲಿ ಹಣ ಇರುವುದಿಲ್ಲವಾಗಿಯೂ ಹಾಗೂ ಸಹಿ ಬೇರೆ ರೀತಿಯಲ್ಲಿ ಇರುವುದಾಗಿ ಬ್ಯಾಂಕ್ನವರು ಹಿಂಬರಹವನ್ನು ನೀಡಿರುತ್ತಾರೆ. ಆರೋಪಿಯ ಮೋಸ ಮಾಡುವ ಉದ್ದೇಶದಿಂದ ಚೆಕ್ಕಿನಲ್ಲಿ ಬೇರೆ ರೀತಿಯ ಸಹಿಯನ್ನು ದುರುದ್ದೇಶದಿಂದ ಮಾಡಿ ಚೆಕ್ ಅಮಾನ್ಯವಾಗುವ ರೀತಿ ಮಾಡಿರುವುದಾಗಿ ಶ್ರೀಮತಿ ಪಿ ಶೀಲಾವತಿ ಶೆಟ್ಟಿ ಯವರು ನೀಡಿದ ದೂರಿನಂತೆ ಕುಂದಾಪುರ ಗ್ರಾಮಾಂತರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಕುಂದಾಪುರ ಗ್ರಾಮಾಂತರ ಠಾಣೆಯ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.
