ಬೆಂಗಳೂರಿನಲ್ಲಿ ಇಬ್ಬರು ರೌಡಿಶೀಟರ್ಗಳ ಹತ್ಯೆ
ಬೆಂಗಳೂರು: ಹಳೆ ದ್ವೇಷ ಹಿನ್ನೆಲೆಯಲ್ಲಿ ಇಬ್ಬರು ರೌಡಿಶೀಟರ್ಗಳನ್ನು ಹತ್ಯೆಗೈದ ಘಟನೆ ಕೋಣನಕುಂಟೆಯ ವೀವರ್ಸ್ ಕಾಲನಿಯಲ್ಲಿ ನಡೆದಿದೆ.
ಮೃತರನ್ನು ತಮಿಳುನಾಡು ಮೂಲದ ಮುರುಗನ್, ಪಳನಿ ಎಂದು ಗುರುತಿಸಲಾಗಿದೆ.
ಮುರುಗನ್ ಮತ್ತು ಬಿಟಿಎಸ್ ಮಂಜ ಗ್ಯಾಂಗ್ ನಡುವೆ 7 ವರ್ಷಗಳಿಂದ ದ್ವೇಷವಿತ್ತೆನ್ನಲಾಗಿದ್ದು, ಮೃತರಿಬ್ಬರು ನಿನ್ನೆ ರಾತ್ರಿ ಬಾರ್ನಲ್ಲಿ ಮದ್ಯಪಾನ ಮಾಡಿ ಮನೆಗೆ ತೆರಳುತ್ತಿದ್ದ ವೇಳೆ ಈ ದಾಳಿ ನಡೆದಿದೆ ಎಂದು ಹೇಳಲಾಗುತ್ತಿದೆ.
ಬಿಟಿಎಸ್ ಮಂಜ ಗ್ಯಾಂಗ್ನ ಸುಮಾರು 8 ಮಂದಿ ಮಾರಕಾಯುಧದಿಂದ ಹಲ್ಲೆ ನಡೆಸಿ, ಹತ್ಯೆಗೈದು ಪರಾರಿಯಾಗಿದ್ದಾರೆ ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಕೋಣನಕುಂಟೆ ಠಾಣೆ ಪೊಲೀಸರು ತಿಳಿಸಿದ್ದಾರೆ.