ವಿಷ್ಣುಮೂರ್ತಿನಗರ ವಿರಮಾರುತಿ ವ್ಯಾಯಾಮಶಾಲೆ: ಕೆಳಾರ್ಕಳಬೆಟ್ಟು ಗ್ರಾಮದ 300 ಮನೆಗಳಿಗೆ ಅಕ್ಕಿ ವಿತರಣೆ
ಉಡುಪಿ: ತೆಂಕನಿಡಿಯೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕೆಳಾರ್ಕಳಬೆಟ್ಟು ಗ್ರಾಮ ವಿಷ್ಣುಮೂರ್ತಿ ನಗರದ ವೀರಮಾರುತಿ ವ್ಯಾಯಾಮ ಶಾಲೆಯ ವತಿಯಿಂದ ಲಾಕ್ಡೌನ್ನಿಂದಾಗಿ ಸಮಸ್ಯೆಗೆ ಒಳಗಾದ ಗ್ರಾಮದ ವಿಷ್ಣುಮೂರ್ತಿನಗರ, ಬೆಳೆ ಬಬ್ಬುಸ್ವಾಮಿ ದೈವಸ್ವಾನ, ಈಶ್ವರನಗರ ಪ್ರದೇಶದ ಸುಮಾರು 300 ಮನೆಗಳಿಗೆ ಅಕ್ಕಿಯನ್ನು ಶುಕ್ರವಾರ ವಿತರಿಸಲಾಯಿತು.
ವ್ಯಾಯಾಮ ಶಾಲೆಯ ಅಧ್ಯಕ್ಷ ಪ್ರಖ್ಯಾತ್ ಶೆಟ್ಟಿ ಅವರು ಅಕ್ಕಿಯನ್ನು ವಿತರಿಸಿ ಮಾತನಾಡಿ ವ್ಯಾಯಮ ಶಾಲೆ ಈಗಾಗಲೇ ಜನರ ಯಾವುದೇ ಸಮಸ್ಯೆಗೆ ಸ್ಪಂದಿಸುತ್ತಿದ್ದು ಮುಂದೆಯೂ ಕೂಡ ಬಡಜನರ ಪರವಾಗಿ ನಿರಂತರ ಸೇವೆಯನ್ನು ಮಾಡುತ್ತದೆ. ದೇಶವನ್ನು ಆವರಿಸಿದ ಮಾರಕ ರೋಗ ಅತೀ ಶೀಘ್ರದಲ್ಲಿ ನಿವಾರಣೆಯಾಗಿ ಜನರನ್ನು ಸಂಕಷ್ಟದಿಂದ ಪಾರು ಮಾಡುವಂತೆ ವೀರಮಾರುತಿ ಅನುಗ್ರಹ ನೀಡಲಿ ಎಂದರು.
ಈ ಸಂದರ್ಭದಲ್ಲಿ ಗೌರವಾಧ್ಯಕ್ಷದಯಾನಂದ ಶೆಟ್ಟಿ ಉಪಾಧ್ಯಕ್ಷ ಅನಿಲ್ ಪಾಲನ್, ಗೌರವ ಸಲಹೆಗಾರ ಅಣ್ಣಯ್ಯ ಪಾಲನ್, ಪದಾಧಿಕಾರಿಗಳಾದ ಪ್ರಸಾದ್ ಪಾಲನ್, ಮಧು ಸೂಧನ್ ಪೂಜಾರಿ, ಸುಮಿತ್, ಚೇತನ್, ವಿಕ್ರಮ್, ಮೋಹನ್, ನಾಗೇಶ್. ಪುಷ್ಕರಾಚ್, ಸತೀಶ್, ಹರೀಶ್, ಉದಯ, ಸಂದೀಪ್, ಅಜಿತ್, ಅಶೋಕ್, ದರ್ಶನ್, ನಿಶಾಂತ್,ರಾಜೇಶ್ ಮೊದಲಾದವರು ಉಪಸ್ಥಿತರಿದ್ದರು.