ಸಂಪುಟ ದರ್ಜೆ ಸಿಕ್ಕರೂ ಹಳೆ ಕಾರನ್ನೇ ಪಡೆದುಕೊಂಡ ಶಾಸಕ ಅಭಯಚಂದ್ರ ಜೈನ್ !

ಸಂಪುಟ ದರ್ಜೆ ಸಿಕ್ಕರೂ ಹಳೆ ಕಾರನ್ನೇ ಪಡೆದುಕೊಂಡ ಶಾಸಕ ಅಭಯಚಂದ್ರ ಜೈನ್ !

ಮಂಗಳೂರು: ಮಾಜಿ ಯುವಜನ ಕ್ರೀಡಾ ಇಲಾಖೆ ಹಾಗೂ ಮೀನುಗಾರಿಕಾ ಸಚಿವ ಹಾಗೂ ಮೂಡಬಿದ್ರೆ ಶಾಸಕ ಅಭಯಚಂದ್ರ ಜೈನ್ ಅವರನ್ನು 2018ರಲ್ಲಿ ಶ್ರವಣಬೆಳಗೊಳದಲ್ಲಿ ನಡೆಯುವ ಮಹಾಮಸ್ತಕಾಭಿಷೇಕ ಮಹೋತ್ಸವದ ರಾಜ್ಯಮಟ್ಟದ ಸಮಿತಿಗೆ ಸಹಅಧ್ಯಕ್ಷರನ್ನಾಗಿ ನೇಮಿಸುವುದರೊಂದಿಗೆ ಜೈನ್ ಅವರಿಗೆ ರಾಜ್ಯ ಸರಕಾರ ಸಂಪುಟ ದರ್ಜೆಯ ಸಚಿವರ ಸ್ಥಾನಮಾನ ನೀಡಿ ಆದೇಶ ಹೊರಡಿಸಿದೆ.

ಸರಕಾರ ಈ ಕುರಿತು ಅಧಿಕೃತ ಅಧಿಸೂಚನೆಯನ್ನು ಹೊರಡಿಸಿದ್ದು, ಅಭಯಚಂದ್ರ ಜೈನ್ ಅವರಿಗೆ ಸಚಿವರಿಗೆ ನೀಡಲಾಗುವ ಸರಕಾರಿ ಕಾರನ್ನು ನೀಡಲಾಗಿದೆ.

ಅಭಯಚಂದ್ರ ಜೈನ್ ಈ ಹಿಂದೆ ರಾಜ್ಯ ಯುವಜನ, ಕ್ರೀಡಾ ಇಲಾಖೆ ಹಾಗೂ ಮೀನುಗಾರಿಕ ಸಚಿವರಾಗಿದ್ದ ಸಂದರ್ಭದ್ಲಲೂ ಸರಕಾರದಿಂದ ಯಾವುದೇ ಹೊಸ ಕಾರು ಖರಿದೀಸದೆ ಹಳೆಯ ಕಾರನ್ನೇ ಬಳಸಿ ಮಾದರಿಯೆನಿಸದ್ದರು ಅಲ್ಲದೆ ಸಚಿವ ಸ್ಥಾನಮಾನ ಕೈ ತಪ್ಪಿದ ದಿನವೇ ಸರಕಾರಿ ಕಾರನ್ನು ವಾಪಾಸು ಮಾಡಿದ್ದರು. ಈಗಲೂ ಕೂಡ ಜೈನ್ ಅವರಿಗೆ ಹೊಸ ಕಾರು ಖರೀದಿಸಲು ಅವಕಾಶವಿದ್ದು, ಮತ್ತೆ ಹಳೆಯ ಕಾರನ್ನೇ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿದ ಜೈನ್ ಅವರ ಸರಕಾರದ ದುಡ್ಡು ಜನರದ್ದು, ಅದನ್ನು ಸುಮ್ಮನೆ ಪೋಲು ಮಾಡುವುದು ನನಗೆ ಇಷ್ಟವಿಲ್ಲ ಆದ್ದರಿಂದ ಹಳೆಯ ಕಾರನ್ನೇ ಬಳಸುತ್ತಿದ್ದೇನೆ ಎಂದರು.