ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಬಂಡಿಮಠ ಹನೆಹಳ್ಳಿ ವತಿಯಿಂದ ಗಣೇಶ ಮೂರ್ತಿ ಪ್ರತಿಷ್ಠಾಪನೆ
ಉಡುಪಿ: ಕೊರೊನಾ ಭೀತಿಯ ನಡುವೆ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಬಂಡಿಮಠ ಹನೆಹಳ್ಳಿ ಇವರಿಂದ ಗಣೇಶ ಮೂರ್ತಿಯ ಪ್ರತಿಷ್ಠಾಪನೆ ಶನಿವಾರ ಭಕ್ತಿಪೂರ್ವಕವಾಗಿ ಜರುಗಿತು.
ಕೋರೊನಾ ಸಂಬಂಧ ಸರಕಾರ ವಿಧಿಸಿದ್ದ ನಿಯಮಾವಳಿಗಳ ಪ್ರಕಾರ ಬಂಡಿಮಠ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಹೊರಾಂಗಣದಲ್ಲಿ ಗಣೇಶ ಮೂರ್ತಿಯ ಪ್ರತಿಷ್ಠಾಪನೆ ನಡೆಸಿ ಪೂಜೆ ಸಲ್ಲಿಸಿ ಸಂಜೆ ವಿಸರ್ಜನೆ ನೆರವೇರಿಸಲಾಯಿತು.
ಸಮಿತಿಯ ಪ್ರಮುಖರಾದ ಅಶೋಕ್ ಆಚಾರಿ, ಮಹೇಶ್ ಪೂಜಾರಿ, ಶೇಖರ್ ನಾಯ್ಕ್, ಮೈಕಲ್ ಮಸ್ಕರೇನಸ್ , ರವೀಂದ್ರ ನಾಯ್ಕ್, ಭಾಸ್ಕರ್ ಕುಲಾಲ್, ಮಹೇಶ್ ಆಚಾರಿ ಹಾಗೂ ಇತರರು ಉಪಸ್ಥಿತರಿದ್ದರು.