ಉಡುಪಿಯಲ್ಲಿ ನಮೋಭಾರತ್ ವತಿಯಿಂದ ಸ್ವಚ್ಛತಾ ಕಾರ್ಯ
ಉಡುಪಿ: ಗಾಂಧಿ ಜಯಂತಿ ಮತ್ತು ಲಾಲ್ ಬಹಾದ್ದೂರ್ ಶಾಸ್ತ್ರೀ ಅವರ ಜನ್ಮದಿನದ ಅಂಗವಾಗಿ ಉಡುಪಿಯಲ್ಲಿ ನಮೋಭಾರತ್ ವತಿಯಿಂದ ಸ್ವಚ್ಛತಾ ಕಾರ್ಯ ನಡೆಯಿತು. ಉಡುಪಿಯ ಕ್ಲಾಕ್ ಟವರ್ ಪರಿಸರ ಮತ್ತು ಮೂರೂ ಬಸ್ ನಿಲ್ದಾಣಗಳನ್ನು ಸಂಘಟನೆಯ ಕಾರ್ಯಕರ್ತರು ಮತ್ತು ವಿದ್ಯಾರ್ಥಿಗಳು ಸೇರಿ ಸ್ವಚ್ಛಗೊಳಿಸಿದರು.
ಕಾರ್ಯಕ್ರಮಕ್ಕೆ ಸ್ಥಳೀಯ ನಗರ ಸಭಾ ಸದಸ್ಯ ಟಿ ಜಿ ಹೆಗ್ಡೆ ಅವರು ಚಾಲನೆ ನೀಡಿ ಸ್ವಚ್ಛತೆ ನಮ್ಮ ಪ್ರಧಾನಿಯವರು ಮಹತ್ವಾಕಾಕ್ಷೆಯ ಯೋಜನೆ ಅವರ ಕನಸನ್ನು ನನಸು ಮಾಡಲು ನಾವೆಲ್ಲ ಕೈ ಜೋಡಿಸಬೇಕು ಎಂದು ಹೇಳಿದರು.
ಸಂಘಟನೆಯ ಮುಖಂಡರಾದ ಶಶಾಂಕ್ ಶಿವತ್ತಾಯ ಅವರು ಮಾತನಾಡಿ ಮುಂದಿನ ಪ್ರತಿ ಭಾನುವಾರ ಸಂಘಟನೆಯ ವತಿಯಿಂದ ಜಿಲ್ಲೆಯ ವಿವಿಧ ದೇವಾಲಯಗಳನ್ನು ಸ್ವಚ್ಛಗೊಳಿಸುವ ಯೋಜನೆ ಹಮ್ಮಿಕೊಂಡಿದ್ದೇವೆ ಎಂದರು
ಈ ಅಭಿಯಾನದಲ್ಲಿ ವೈಕುಂಠ ಬಾಳಿಗ ಕಾಲೇಜಿನ ವಿದ್ಯಾರ್ಥಿಗಳು ಸೇರಿದಂತೆ ವಿವಿಧ ಕಾಲೇಜಿನ ಮಕ್ಕಳು ಭಾಗವಹಿಸಿದ್ದರು . ಕೆನರಾ ಬಸ್ ಮಾಲಕರ ಸಂಘ ಈ ಕಾರ್ಯಕ್ರಮಕ್ಕೆ ಸಹಕಾರ ನೀಡಿತು.
ನಮೋ ಭಾರತ್ ಇದರ ಪ್ರಮುಖರಾದ ಶಶಾಂಕ್ ಶಿವತ್ತಾಯ ಶ್ರೀಕಾಂತ್ ಶೆಟ್ಟಿ ಶೈಲೇಂದ್ರ ಶೆಟ್ಟಿ ಸುರೇಶ ಶೇರಿಗಾರ್ ಧೀರಜ್ ರಕ್ಷಿತ್ ಶಶಿಕಾಂತ್ ರಾಘವೇಂದ್ರ ಕೆರ್ವಾಲ್ ಮೊದಲಾದವರು ಸ್ವಚ್ಛತಾ ಅಭಿಯಾನದಲ್ಲಿ ಪಾಲ್ಗೊಂಡಿದ್ದರು
