ಡಿ. 8ರಂದು ಅಶಕ್ತ ಕುಟುಂಬಕ್ಕೆ ಫಾ.ಕೆ.ಟಿ.ವರ್ಗೀಸ್ ಮೆಮೋರಿಯಲ್ ‘ಬೆತ್ಲೆಹೇಮ್’ ಹಸ್ತಾಂತರ
ಬ್ರಹ್ಮಾವರ: ಬ್ರಹ್ಮಾವರ ಓರ್ಥೊಡೋಕ್ಸ್ ಸೀರಿಯನ್ ಕೊಂಕಣಿ ವೆಲ್ಫೇರ್ ಟ್ರಸ್ಟ್ (ರಿ) ವತಿಯಿಂದ ಬಾರ್ಕೂರು ಪರಿಸರದಲ್ಲಿ ನಿರ್ಮಿಸಲಾದ ದಿ.ಫಾ.ಕೆ.ಟಿ.ವರ್ಗೀಸ್ ಮೆಮೋರಿಯಲ್ ಹೌಸ್ ಬೆತ್ಲೆಹೇಮ್ ನ್ನು ಡಿಸೆಂಬರ್ 8 ರಂದ ಭಾನುವಾರ ಬೆಳಿಗ್ಗೆ 11 ಗಂಟೆಗೆ ಹಸ್ತಾಂತರ ಕಾರ್ಯಕ್ರಮ ನಡೆಯಲಿದೆ.
ಬಾರ್ಕೂರು ಕೂರಾಡಿ ಗ್ರಾಮದ ನಿವಾಸಿಯಾಗಿರುವ ಮೊನಿಕಾ ಡಿಸೋಜರವರು ತುಂಬಾ ಕಷ್ಟದಲ್ಲಿದ್ದು, ಇವರಿಗೆ ಸ್ವಂತ ಮನೆ ನಿರ್ಮಾಣದ ಕನಸು ಅಸಾಧ್ಯದ ಮಾತಾಗಿತ್ತು. ಈ ಸಂದೀಗ್ಧ ಪರಿಸ್ಥಿಯಲ್ಲಿ ಈ ಕುಟುಂಬದ ನೆರವಿಗಾಗಿ ಬ್ರಹ್ಮಾವರ ಓರ್ಥೋಡೊಕ್ಸ್ ಸೀರಿಯನ್ ಕೊಂಕಣಿ ವೆಲ್ಫೇರ್ ಟ್ರಸ್ ವತಿಯಿಂದ ಸುಸಜ್ಜಿತ ಸೂರು ಕಲ್ಪಿಸುವ ಹೊಣೆ ಹೊತ್ತು ಈ ಮನೆ ನಿರ್ಮಾಣದ ದಾನಿಗಳಾದ ಮೊಸೇಸ್ ಲೂವಿಸ್ ಕುಟುಂಬಸ್ಥರು ಮಂಗಳೂರು ಇವರ ಸಹಕಾರದಿಂದ ಮನೆ ನಿರ್ಮಾಣಗೊಂಡು ಅಶಕ್ತ ಕುಟುಂಬಕ್ಕೆ ಹಸ್ತಾಂತರಿಸಲು ಸಿದ್ದವಾಗಿದೆ.
ಈ ಸಮಾರಂಭದಲ್ಲಿ ಚರ್ಚಿನ ಸಮಸ್ತ ಧರ್ಮಗುರುಗಳು ಮತ್ತು ಸಮಾಜ ಸೇವಕರಾದ ಡಾ|ಮೊಹಮ್ಮದ್ ಶಫಿ, ವೆರೋನಿಕಾ ಕರ್ನೆಲಿಯೋ ಮತ್ತು ಡಾ|ಸುನೀತಾ ಶೆಟ್ಟಿ ಹಾಗೂ ಸಮಸ್ತ ಚರ್ಚಿನ ಎಲ್ಲಾ ಸದಸ್ಯರು ಭಾಗವಹಿಸಲಿದ್ದಾರೆ.
