ಡ್ಯಾನ್ಸ್ ಕ್ಲಾಸ್ ನೆಪದಲ್ಲಿ ಮಕ್ಕಳಿಗೆ ಲೈಂಗಿಕ ಕಿರುಕುಳ: ಆರೋಪಿ ಬಂಧನ
ಮಂಗಳೂರು: ಡ್ಯಾನ್ಸ್ ಕ್ಲಾಸ್ ನೆಪದಲ್ಲಿ ಮಕ್ಕಳಿಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದ ಆರೋಪಿಯೋರ್ವನ್ನು ಸುಬ್ರಹ್ಮಣ್ಯ ಠಾಣಾ ಪೊಲೀಸರು ಬಂಧಿಸಿದ್ದಾರೆ.
ಡ್ಯಾನ್ಸ್ ಶಿಕ್ಷಕ ಮಧುಸೂದನ್ ಬಂಧಿತ ಆರೋಪಿ. ಡ್ಯಾನ್ಸ್ ಕ್ಲಾಸ್ ನಡೆಸುತ್ತಿದ್ದ ಆರೋಪಿ ಮಧುಸೂದನ್ ಡ್ಯಾನ್ಸ್ ಕಲಿಸುವ ಸ್ಥಳದಲ್ಲಿ ಒಂದು ಪರದೆಯನ್ನು ಅಡ್ಡ ಕಟ್ಟಿ ಅದರೊಳಗೆ ಮಕ್ಕಳನ್ನು ಕರೆದುಕೊಂಡು ಹೋಗಿ ಡ್ಯಾನ್ಸ್ ಬಗ್ಗೆ ಹೇಳುವುದಾಗಿ ಮಕ್ಕಳ ಮೈ ಮುಟ್ಟಿ ಲೈಂಗಿಕ ಕಿರುಕುಳ ನೀಡಿದ್ದ ಎನ್ನಲಾಗಿದೆ. ಜೊತೆಗೆ ಈ ಬಗ್ಗೆ ಮನೆಯಲ್ಲಿ ಯಾರಲ್ಲಾದರೂ ಹೇಳಿದರೆ ನಿಮಗೆ ಸರಿಯಾಗಿ ಡ್ಯಾನ್ಸ್ ಕಲಿಸುವುದಿಲ್ಲ ಎಂದು ಬೆದರಿಕೆ ಕೂಡ ಹಾಕುತ್ತಿದ್ದ ಎಂದು ದೂರಲಾಗಿದೆ.
ಈ ಬಗ್ಗೆ ಡ್ಯಾನ್ಸ್ ಕ್ಲಾಸಿನ ಇತರ ಮಕ್ಕಳಲ್ಲಿ ವಿಚಾರಿಸಿದಾಗ ಅವರನ್ನು ಕೂಡ ಆರೋಪಿಯು ಕ್ಲಾಸ್ ರೂಮ್‌ ಪರದೆಯ ಒಳಗೆ ಕರೆದುಕೊಂಡು ಹೋಗಿ ಲೈಂಗಿಕ ಕಿರುಕುಳ ನೀಡಿದ್ದ ಎನ್ನುವುದು ಬಹಿರಂಗಗೊಂಡಿದೆ. ಪೊಲೀಸರು ಆರೋಪಿಯನ್ನು ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
