ಮುದರಂಗಡಿ ಗ್ರಾಮೀಣ ಕಾಂಗ್ರೆಸ್ ವತಿಯಿಂದ ಬೈಕ್ ಜಾಥಾ, ಸಾರ್ವಜನಿಕ ಸಭೆ
ಕಾಪು: ಮುದರಂಗಡಿ ಗ್ರಾಮೀಣ ಕಾಂಗ್ರೆಸ್ ಸಮಿತಿ ಹಾಗೂ ಯುವ ಕಾಂಗ್ರೆಸ್ ಸಮಿತಿ ಕಾಪು ಇವರ ವತಿಯಿಂದ ಮುದರಂಗಡಿ ಪೇಟೆಯಲ್ಲಿ ಬೃಹತ್ ಬೈಕ್ ಜಾಥಾ ಹಾಗೂ ಸಾರ್ವಜನಿಕ ಸಭೆ ನಡೆಯಿತು.
ಚಲನಚಿತ್ರ ನಟ, ನಿರ್ಮಾಪಕ ಹಾಗೂ ನಿರ್ದೇಶಕರಾದ ಡಾ|ರಾಜಶೇಖರ್ ಕೋಟ್ಯಾನ್ ಇವರು ಚಾಲನೆ ನೀಡಿದರು. ಈ ಸಂಧರ್ಭದಲ್ಲಿ ಸುಮಾರು 500 ಕ್ಕೂ ಹೆಚ್ಚು ಬೈಕುಗಳಲ್ಲಿ ಯುವ ಕಾರ್ಯಕರ್ತರು ಭಾಗವಹಿಸಿದ್ದರು. ಬೈಕ್ ಜಾಥಾ ಪಿಲಾರ್ ನಿಂದ ಮಂಚಕಲ್ ಮಾರ್ಗವಾಗಿ ಮುದರಂಗಡಿ ಸಾಂತೂರು ಕೊಪ್ಪಲ , ಕಾಂಜರಕಟ್ಟೆ , ಅಡ್ವೆ ನಂದಿಕೂರು ಹಾಗೂ ಮುದರಂಗಡಿ ಪೇಟೆಯವರೆಗೆ ಜರುಗಿತು.
ಮುದರಂಗಡಿ ಗ್ರಾಪಂ ಹಾಗೂ ಗ್ರಾಮೀಣ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ಡೇವಿಡ್ ಡಿ’ಸೋಜಾ ಅವರ ಅಧ್ಯಕ್ಷತೆಯಲ್ಲಿ ಸಾರ್ವಜನಿಕ ಸಭೆ ನಡೆಯಿತು. ಕಾಪು ಶಾಸಕ ವಿನಯ್ ಕುಮಾರ್ ಸೊರಕೆ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.ಇದೇ ವೇಳೆ ಹಲವಾರು ಬಿಜೆಪಿ ಸದಸ್ಯರು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಗೊಂಡರು.
ಸಭೆಯ ಮುಖ್ಯ ಅತಿಥಿಯಾಗಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ನವೀನ್ ಚಂದ್ರ ಜೆ ಶೆಟ್ಟಿ , ಡಾ|ರಾಜಶೇಖರ್ ಕೋಟ್ಯಾನ್, ದೇವಿಪ್ರಸಾದ್ ಶೆಟ್ಟಿ ಬೆಳಪು , ತಾಲ್ಲೂಕು ಪಂಚಾಯತ್ ಸದಸ್ಯರಾದ ದಿನೇಶ್ ಕೋಟ್ಯಾನ್, ದೀಪಕ್ ಎರ್ಮಾಳ್, ಗಣೇಶ್ ಕೋಟ್ಯಾನ್ , ಎಂ.ಪಿ ಮೊಯ್ದಿನಬ್ಬ , ಯುವ ಕಾಂಗ್ರೆಸ್ ಅಧ್ಯಕ್ಷ ಪ್ರಭಾಕರ ಪೂಜಾರಿ , ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷ ವಿಶ್ವಾಸ್ ಅಮೀನ್ , ವಿನೋದ ಪೂಜಾರಿ ,ಗ್ರಾಮೀಣ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ , ಸೋಮನಾಥಪೂಜಾರಿ , ಸುಕುಮಾರ್ ಶೆಟ್ಟಿ, ಸುನೀಲ್ ಶೆಟ್ಟಿ, ಜಯಂತಿ ಪೂಜಾರ್ತಿ , ಶೋಭಾ ಫೆರ್ನಾಂಡೀಸ್ , ಲೂಸಿ ಮಥಾಯಸ್, ವಸಂತಿ, ಭಾರತಿ, ಪ್ರೆಸಿಲ್ಲಾ , ಬಾಲಚಂದ್ರ, ಗ್ಯಾಬ್ರಿಯಲ್ ಮಥಾಯಸ್ ಉಪಸ್ಥಿತರಿದ್ದರು.
