ಹಿಂದೂ, ಕ್ರೈಸ್ತ ಭಾಂಧವರೊಂದಿಗೆ ಸಿಹಿ ಹಂಚಿ ಈದ್ ಶುಭಾಶಯ ಕೋರಿದ ಬ್ರಹ್ಮಗಿರಿ ಮುಸ್ಲಿಂ ಭಾಂಧವರು

ಹಿಂದೂ, ಕ್ರೈಸ್ತ ಭಾಂಧವರೊಂದಿಗೆ ಸಿಹಿ ಹಂಚಿ ಈದ್ ಶುಭಾಶಯ ಕೋರಿದ ಬ್ರಹ್ಮಗಿರಿ ಮುಸ್ಲಿಂ ಭಾಂಧವರು

ಉಡುಪಿ: ರಂಜಾನ್ ಅಂಗವಾಗಿ ಒಂದು ತಿಂಗಳಿನಿಂದ ಉಪವಾಸ ವ್ರತ ಆಚರಿಸಿದ್ದ ಮುಸ್ಲಿಮರು ಉಡುಪಿಯ ಬ್ರಹ್ಮಗಿರಿ ನಾಯರ್ ಕೆರೆ ಬಳಿಯ ಹಾಶ್ಮಿ ಮಸೀದಿಯಲ್ಲಿ ಶುಕ್ರವಾರ ಈದ್-ಉಲ್-ಫಿತ್ರ್ ಹಬ್ಬವನ್ನು ವಿಶಿಷ್ಠವಾಗಿ ಆಚರಿಸಿದರು.

ಬೆಳಿಗ್ಗೆ 8.30 ಕ್ಕೆ ಮೌಲಾನಾ ಹಾಶ್ಮಿ ಉಮ್ರಿ ದುವಾಶೀರ್ವಚನ ನೀಡಿ ಹಬ್ಬದ ಮಹತ್ವವನ್ನು ಸಾರಿದರು. ಮಸೀದಿಯಲ್ಲಿ ಮುಸ್ಲಿಮರು ನೂರಾರು ಸಂಖ್ಯೆಯಲ್ಲಿ ಬಂದು ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದರು.

ಪ್ರಾರ್ಥನೆ ನಂತರ ಮಕ್ಕಳು, ವೃದ್ಧರು, ಮಹಿಳೆ­ಯರು ಪರಸ್ಪರ ಶುಭಾಶಯ ವಿನಿ­ಮಯ ಮಾಡಿ­ಕೊಂಡರು. ಆಪ್ತರನ್ನು ಮನೆಗೆ ಆಹ್ವಾನಿಸಿ ಬಗೆ­ಬಗೆಯ ತಿಂಡಿತಿನಿಸು ಉಣ­ಬಡಿಸಿ ಸೀರ್‌­ಖುರ್ಮಾ ನೀಡಿ ಸಂತೋಷ­ಪಟ್ಟರು.
ಇದಕ್ಕಿಂತಲೂ ಮುಖ್ಯವಾಗಿ ಹಬ್ಬದ ಪ್ರಾರ್ಥನೆಯ ಬಳಿಕ ಮೌಲಾನಾ ಹಾಶ್ಮಿ ನೇತೃತ್ವದಲ್ಲಿ ಮಸೀದಿಯ ಸಮಿತಿಯ ಸದಸ್ಯರು ಮಸೀದಿ ಅಕ್ಕಪಕ್ಕದಲ್ಲಿರುವು ಹಿಂದೂ ಮತ್ತು ಕ್ರೈಸ್ತ ಭಾಂಧವರ ಮನೆಗಳಿಗೆ ಭೇಟಿ ನೀಡಿ ಸಿಹಿ ಹಂಚಿ ಹಬ್ಬದ ಸಂಭ್ರಮವನ್ನು ಪರಸ್ಪರ ಹಂಚಿಕೊಂಡರು.